ДУШАНБЕ, 2 июл — Sputnik. Тести аввалин кишвардори Қазоқистон Нурсултон Назарбоев барои муайян кардани COVID - 19 манфӣ баромад, хабар дод сухангӯи Назарбоев Айдос Укибой дар Twitter.
У меня хорошие новости. Сегодняшний тест Елбасы на КВИ показал отрицательный результат. Согласно рекомендациям врачей, Нурсултан Назарбаев продолжит сохранять режим самоизоляции, работать дистанционно и уделять время прогулкам на свежем воздухе. pic.twitter.com/xQyySEwH9n
— Aidos Ukibay (@Aidos_Ukibay) July 2, 2020
Рӯзи 18 июн дар бораи сироят шудани нахустин президенти Қазоқистон Нурсултон Назарбоев ба маризии COVID - 19 хабар дода шуд. Пас аз ин хабар Назарбоев танҳонишинӣ мекард.
"Ман хабарҳои хуш дорам. Тести имрӯзаи президент барои муайян кардани коронавиус манфӣ баромад. Тибқи дастурҳои пизишкон Назарбоев ҳамоно хонанишинӣ карда, дуркор мешавад ва бештар дар ҳавои тоза сайру гашт мекунад", - навиштааст сухангӯи Назарбоев.
"Мактуби президентҳоро худаш мехонад": сухангӯи Назарбоев вазъи саломатияшро шарҳ дод
Дар давоми шабонарӯзи охир дар Қазоқистон 528 ҳолати нави сироятшавӣ аз коронавирус ба қайд гирифта шудааст. Дар умум дар кишвар 42 574 кас гирифтори COVID - 19 шудааст. Шумораи беморони бидуни нишонаҳо ба ин омор дохил намешавад.
