14:07 05 декабри 2020
Пахши мустақим
  • USD11.30
  • EUR13.72
  • RUB0.15
Осиё
Гирифтани линки кӯтоҳ
60430

Теъдоде аз муаллимони забони тоҷикии мактабҳои шаҳри Самарқанд бо ирсоли номае ба раисҷумҳурии Ӯзбекистон Шавкат Мирзиёев аз коҳиши тадриси ин забон дар кишвар ибрози нигаронӣ кардаанд

ДУШАНБЕ, 9 ноя — Sputnik. Ба нақл аз сомонаи рӯзномаи “Фараж”, дар ин нома таъкид шудааст, ки таълими забони тоҷикӣ дар мактабҳои манотиқи тоҷикии Ӯзбекистон дар як ҳафта 10 соатро ташкил медиҳад.

Ин дар ҳоле аст, ки тадриси забони ӯзбекӣ ва хориҷӣ 33 соат дар ҳафта аст.

Дар ин нома инчунин аз коҳиш ёфтани шумораи кӯдакистонҳо барои кӯдакони тоҷики муқими вилояти Самарқанд изҳори нигаронӣ шудааст.

Муаллифони нома аз раисҷумҳурии Ӯзбекистон хоҳиш кардаанд, ки дар таъсиси як шабакаи мустақили телевизионӣ дар Тоҷикистон бо забони тоҷикӣ мусоидат кунад.

Аз тарафи дигар, ба Шавкат Мирзиёев пешниҳод шудааст, ки пахши барномаҳои мустақим ба забони тоҷикиро тавассути радио ва телевизиони Ӯзбекистон баррасӣ кунад.

Пешниҳоди дигари омӯзгорони забони тоҷикии Самарқанд ба Шавкат Мирзиёев ин аст, ки ба сабаби паҳн шудани вируси корона ва ҳузури маҳдуди донишҷӯён ба воситаи телевизион ва фазои маҷозӣ таълим додан роҳандозӣ шавад.

Барчаспҳо:
Шавкат Мирзоев, муроҷиат, Самарқанд, забони тоҷикӣ, тоҷикӣ, омӯзгорон, Ӯзбекистон

Мавзӯъҳои асосӣ