12:07 19 ноябри 2019
Пахши мустақим
  • USD9.70
  • EUR10.73
  • RUB0.15
Водитель за рулем автомобиля, архивное фото

IRS ба ронандагон: аз пардохти ғайринақдӣ истифода кунед

CC0 / Pixabay
Ахбори ширкатҳо
Гирифтани линки кӯтоҳ
216 0 0

Истифодаи хизматрасонии мазкур аз шаҳрвандон вобаста буда, шахсони воқеӣ ва ҳуқуқӣ метавонанд дар низоми толлингии филиали Ширкат дар муддати кӯтоҳ суратҳисоби худро кушоянд.

ДУШАНБЕ, 6 июл - Sputnik.  Филиали Ширкати саҳомии "Инновейтив Роуд Солюшнз ЛТД" дар Ҷумҳурии Тоҷикистон  ҷиҳати  зиёд намудани пардохти ғайринақдӣ ҳангоми гузариши воситаҳои нақлиёт аз тариқи плазаҳои толлингии худ тадбирандешӣ менамояд.

Тавре ба АМИТ "Ховар" аз ширкати мазкур иттилоъ доданд, иқдоми мазкур бо мақсади  иҷрои қарори Ҳукумати Ҷумҳурии Тоҷикистон аз 31 декабри соли 2014 "Оид ба тадбирҳои вусъат додани ҳисоббаробаркунии ғайринақдӣ тавассути кортҳои пардохтии бонкӣ" роҳандозӣ гардидааст.

"Ронандагон бояд дуруст дарк намоянд, ки истифодаи кортҳои электронии пардохтӣ бартариҳои зиёд доранд. Аз ҷумла, ин омил  ба коҳиш ёфтани гардиши пули нақд, ки аз лиҳози иқтисодӣ хеле муҳим ба ҳисоб меравад, сабаб мегардад", — афзуд манбаъ.

Бояд зикр намуд, ки гузариш ба ҳисоббаробаркунии ғайринақдӣ ва истифодаи кортҳои пардохтӣ ба кам шудани танбашавии мошинҳо дар плазаҳои толлингӣ замина фароҳам меорад. Зеро суръати хизматрасонӣ бамаротиб афзуда, сифати он хубтар мешавад

Ба иттилои манбаъ, истифодаи хизматрасонии мазкур аз шаҳрвандон вобаста буда, шахсони воқеӣ ва ҳуқуқӣ метавонанд дар низоми толлингии филиали Ширкат дар муддати кӯтоҳ суратҳисоби худро кушоянд.

Ёдовар мешавем, ки дар плазаҳои филиали Ширкати саҳомии "Инновейтив Роуд Солюшнз ЛТД" дар Ҷумҳурии Тоҷикистон банкомат ва POS — терминалҳо насб шудаанд, ки аз онҳо дорандагони кортҳои пардохтии  "Корти миллӣ", "Visa International", "Union Pay"  метавонанд бе комиссия ҳаққи гузаришро аз плазаҳои толлингӣ пардохт намоянд.

Барчаспҳо:
пардохт, ронанда, ширкати IRS

Мавзӯъҳои асосӣ