Ҷоизаи миллии “ЭРГУУ” ба Барзу Абдураззоқов тақдим гардид

Обуна шудан
Хидмати таҳиягари маъруфи тоҷик аз ҷониби доварони мукофоти олии театрӣ дар Қирғизистон қадрдонӣ гардида, намоишномаи таҳиякардаи Абдураззоқов дар ду бахш сазовори мақоми аввал шуд.

ДУШАНБЕ, 31 мар — Sputnik. Намоишномаи "Хотироти як девона", ки аз ҷониби коргардони тоҷик Барзу Абдураззоқов дар Бишкек ба маъраз гузошта шуда буд, ҷоизаи "ЭРГУУ" дар бахши "Беҳтарин намоиш" ва "Беҳтарин нақши мардона"-ро соҳиб гардид, иттилоъ медиҳад сайти Вазорати фарҳанги Қирғизистон.

Маросими эътои ҷоиза 27 март дар рӯзи ҷаҳонии театр дар пойтахти Қирғизистон сурат пазируфт.

Тамрини намоишномаи Роҳи тӯлонӣ ба Макка дар театри ба номи Моссовет - Sputnik Тоҷикистон
Барзу Абдураззоқов - барандаи "Гран-при"-и ҷашнвораи байналмиллалӣ

"Барзу- яке аз беҳтарин ва саршиностарин таҳиягарони муосир аст. Ӯ андешагаро ва меҳвари театри имрӯз аст. Мо ҳамеша бо ӯ фахр мекунем, эҷодиёти ӯро қадр менамоем",- гуфтааст коргардони қирғиз Темир Бирназаров.

Бояд қайд кард, ки соли гузашта Вазорати фарҳанг ва Анҷумани фаъолони театри Қирғизистон барои беҳтарин ҳунари коргардонӣ дар 5 соли охир ба Барзу Абдураззоқов, коргардони шинохтаи тоҷик ҷоиза дода буд.

Лентаи хабарҳо
0