Дар Тоҷикистон беҳтарин ошпази палавро муайян мекунанд

© SputnikОзмуни палавпазӣ дар Хуҷанд
Озмуни палавпазӣ дар Хуҷанд - Sputnik Тоҷикистон
Обуна шудан
Беҳтарин ошпазҳои палав дар авохири моҳи ҷорӣ барои ҷоизаи аслии ин озмун “Кафгри тиллоӣ” рақобат мекунанд. Ҷоизадорони озмун соҳиби ҷавоизи гарон ва санадҳои таъйидб хоҳанд шуд.

ДУШАНБЕ, 7 авг — Sputnik. Дар авохири моҳи августи соли ҷорӣ дар Тоҷикистон дар чаҳорчӯби озмун ва ҷашнвораи "Палав" беҳтарин ошпази кишварро мушшахас мекунанд, хабар медиҳад сомонаи вазорати фарҳанги ҶТ.

Ба ғолиби озмун ҷоизаи аслӣ — "Кафгири тиллоӣ" тақдим мешавад.

Таҳияи палав. Акс аз бойгонӣ - Sputnik Тоҷикистон
Дар Суғд озмуни беҳтарин палав ва дастархон баргузор шуд

Марҳилаи нахустини ин озмун то 10 август дар куллияи шаҳрҳо ва навоҳии кишвар анҷом мешавад. Дар пайи ин амр беҳтарин ошпазҳои палав барои ширкат дар даври ниҳоӣ дар пойтахти Тоҷикистон ҷамъ мешаванд.

"Даври ниҳоӣ аз чанд марҳила иборат аст: озмуни сабзирезакунӣ, беҳтарин палав, ошпази беҳтарин, хони беҳтарин, беҳтарин либоси ошпас, рақси беҳтарини ошпаз, беҳтарин суруди ҳаҷвӣ дар бораи палав ва беҳтарин намоишнома дар бораи палав", — омадааст дар хабари вазоратхона.
Даври ниҳоии озмун дар Душанбе дар охирин рӯзи якшанбеи моҳи август баргузор мешавад.

Ба ҷуз аз ҷоизаи асли — "Кафгири тиллоӣ" — дастандаркорон дар сададанд ба ҳар як навари ширкаткундаи даври ниҳоӣ ҷавоизи гарон ва санади таъйидӣ тақдим кунанд.

Лентаи хабарҳо
0