Вазири фарҳанг ба шоирону нависандагони ғолиб мукофот супорид

© Sputnik / Амир Исаев Министерство культуры РТ. Архивное фото
Министерство культуры РТ. Архивное фото - Sputnik Тоҷикистон
Обуна шудан
Дирӯз, 30 июн дар Вазорати фарҳанг маросими супоридани мукофотҳо ба ғолибони озмуни ҷумҳуриявии "Асарҳои публисистӣ ва шеърҳо бахшида ба 20–солагии Рӯзи Ваҳдати миллии Ҷумҳурии Тоҷикистон" баргузор гардид

ДУШАНБЕ, 1 июл — Sputnik. Бино ба иттилоъи равобити умумии вазорати фарҳанг, вазири фарҳанги Тоҷикистон Шамсиддин Орумбекзода дар ҳузури иштирокчиёни озмун ва ҳайати доварон ғолибонро бо пирузӣ табрик гуфта, онҳоро бо мукофот қадр кард.

Ин озмунро Вазорати фарҳанг ташкил кардаву муаллифони асарҳои назму насри тоҷик, ки дар тараннуми Ваҳдат асарҳои нав эҷод кардаанд дар он ширкат карданд.

Муаллифон асарҳои худро то 1 июн ба Вазорати фарҳанг пешниҳод кардаанд.

Ҳайъати ҳакамон бо роҳбарии раиси иттифоқи нависандагони Тоҷикистон Низом Қосим дар равияи наср муаллифони зеринро бо мукофотҳои Вазорати фарҳанг сазовор донистанд: Муҳтарам Ҳотам, Маҷид Салим, Ато Ҳамдам, Леонид Чигрин ва Шералӣ Мустафоқулов.

© Фото : Аз равобити умумии вазорати фарҳангСупоридани мукофот ба ғолибон
Супоридани мукофот ба ғолибон - Sputnik Тоҷикистон
Супоридани мукофот ба ғолибон

Дар равияи назм Камол Насрулло, Гурез Сафар, Гулназар Келдӣ, Шаҳрия, Гулрухсор ва Муҳаммадалии Аҷамӣ ғолибият ба даст оварданд.

Лентаи хабарҳо
0