18:15 21 октябри 2019
Пахши мустақим
  • USD9.69
  • EUR10.80
  • RUB0.15
Хайём Хаёлбеков

Ҳунарнамоии Хайём Хаёлбеков ва Чоршанбе Аловатов дар Маскав

© Фото : Аз бойгонии Хайём Хаёлбеков
Фарҳанг
Гирифтани линки кӯтоҳ
47730

Овозхонони ҷавон Хайём Хаёлбеков ва Чоршанбе Аловатов нахустин консерти худро дар Маскав баргузор карданд

ДУШАНБЕ, 25 мар — Sputnik. Консерти овозхонҳои ҷавон Хайём Хаёлбеков ва Чоршанбе Аловатов писари сарояндаи номдори Тоҷикистон Ақназар Аловатов дар Кохи фарҳанги шаҳри Маскав, 24 март баргузор шуд.

Ин барномаи ҳунарӣ ба муносибати ҷашни Наврӯз пешкаши ҳаводорони созу суруд карда шудааст.

Ин нахустин консерти овозхонҳои ҷавон Хайём Хаёлбеков ва Чоршанбе Аловатов дар  саҳнаи бузург дар шаҳри Маскав мебошад.

Хаёлбеков дар ин консерт сурудҳои "Чашмонсиёҳ", "Дар ишқи яздон", "Нозукбадан", "Шоҳмуборак", "Ба ҳаққи шоҳи мардон", "Шохи гул", "Лабҳои сард", "Фасли баҳор", "Рамида", "Санамо", "Май дар соғар андозем", "Ошиқам", Хайём-ро иҷро кардааст.

Хайём Хаёлбеков ҳадаф дорад гурӯҳи худро ташкил кунаду олами мусиқии Тоҷикистонро бо овозхонии зинда тасхир кунад.

Консерт дар Маскав бо даъвати ҷавонони тоҷик сурат гирифтааст ва Хайём аз дастгирии дӯстонаш беҳад шод аст.

"Дар ташкилкунии консерти Маскав, ки чанд руз аст ин ҷоем, мо то имрӯз ягон камбудӣ надидем, мо ҳамроҳ бо гурӯҳи навозандагон 9 кас ҳастем ва баргузоркунандагони ин консерт тамоми шароитро барои мо мухаё кардаанд", — гуфт Хайём Хаёлбеков дар суҳбат бо Sputnik Тоҷикистон.

Хайём Хаёлбеков 23 майи соли 1990 дар нохияи Ишкошими ВМКБ  ба дунё омадааст. Мактаби миёнаро дар шаҳри  Душанбе хатм кардааст. Донишомӯхтаи бахши муносибатҳои байналмилалии Донишгоҳи Славянии Тоҷикистону Русия мебошад. Дар айни замон Хайём дар Аввалин Бонки Молиявии Хурд шаҳри Душанбе фаьолият мекунаду дар фурсати холӣ ба эҷоди мусиқӣ машғул мешавад.

Барчаспҳо:
ҳунарнамоӣ, консерт, Русия, Маскав

Мавзӯъҳои асосӣ