Шоми дӯстӣ дар Тошканд: ҳунармандони тоҷик бо Эмомалӣ Раҳмон ба Узбакистон мераванд

© Фото : Пресс-служба президента ТаджикистанаПевцы Джурабек Муродов и Шерали Джураев
Певцы Джурабек Муродов и Шерали Джураев - Sputnik Тоҷикистон
Обуна шудан
Феълан ҳунармандони кишвар барои барномаи консертии Шоми дӯстӣ дар Узбакистон ва барномаи консертии муштараки аҳли ҳунари Тоҷикистон ва Беларус дар доираи сафари Лукашенко ба Тоҷикистон омодагӣ мебинанд

ДУШАНБЕ, 12 апр — Sputnik. Ҳунармандони Тоҷикистон дар сафари расмии раисҷумҳури Тоҷикистон Эмомалӣ Раҳмон ба Узбакистон кишвардорро ҳамроҳӣ мекунанд.

Тавре Вазорати фарҳанги Тоҷикистон иттилоъ медиҳад, дар ҳошияи сафари раисҷумҳури Тоҷикистон ба Узбакистон боз як барномаи консертӣ бо номи Шоми дӯстӣ баргузор мешавад, ки дар он ҳунармандони тоҷик ва узбак ширкат мекунанд.

Тавре масъулини ниҳод дар рафти ҷаласаи васеи вазорат таъкид доштанд, феълан ҳунармандони тоҷик барои ин барномаи муштарак  омодагӣ мебинанд.

"Дар ҷаласа инчунин рафти омодагиҳо ба барномаи консертии Шоми дӯстӣ дар доираи сафари расмии раисҷумҳур Эмомалӣ Раҳмон ба Узбакистон ва барномаи консертии муштараки аҳли ҳунари Тоҷикистон ва Беларус дар доираи сафари расмии Президенти Ҷумҳурии Беларус  баррасӣ гардиданд",- омадааст дар гузориши вазорат.

Певцы Джурабек Муродов и Шерали Джураев - Sputnik Тоҷикистон
"Замон, замони мост": таронаи муштараки Муродов ва Ҷӯраев толорро ба по хезонд (НАВОР)

Ёдрас мешавем, раисҷумҳури Узбакистон Шавкат Мирзиёв ҳангоми сафари расмии дурӯзааш ба Душанбе кишвардори Тоҷикистон Эмомалӣ Раҳмонро ба Тошканд даъват карда буд. Аммо ҳоло рӯзи дақиқи сафари Эмомалӣ Раҳмон ба Узбакистон маълум нест.

Шоми дӯстӣ-номи барномаи консертии хотирмоне дар Душанбе буд, ки дар ҳошияи сафари Шавкат Мирзиёев авоили моҳи март баргузор шуд. Дар ин барнома ҳунармандони тоҷик якҷоя бо ҳунармандони Узбакистон бармад карданд. Шоми дӯстиро меҳмонони олимақом, аз ҷумла раисҷумҳури Тоҷикистон ва Узбакистон якҷоя бо намояндагони аҳли ҳунар ва  зиёи ду кишвар тамошо карданд.

Лентаи хабарҳо
0