Ҳунарнамоии Меҳрона Ғайбуллоева дар давраи чорякфиналии "Ты Супер!"

© Sputnik / © Sputnik / Стас ЭтвешУчастница "Ты супер!" от Таджикистана Мехрона Гайбуллоева
Участница Ты супер! от Таджикистана Мехрона Гайбуллоева - Sputnik Тоҷикистон
Обуна шудан
Тоҷикистонро дар озмуни пурнуфузи "Ту беҳтаринӣ!" Меҳрона Ғайбуллоеваи 17-сола намояндагӣ мекунад

ДУШАНБЕ, 5 май — Sputnik. Тоҷикдухтар барои ширкат дар давраи нимниҳоӣ муборизаро идома медиҳад.

Меҳрона имрӯз бори дигар дар ҳузури доварон ба саҳна меборояд. Барнома шоми имрӯз соати 20:00 бо вақти Маскав аз телевизиони НТВ намоиш дода мешавад. Пештар ин духтари тоҷик аз давраи аввали озмун бо сарбаландӣ гузашта буд.

Меҳрона 17-сола аст. Модараш 10 сол пеш аз ин дар гузаштаву падараш солҳо пеш хонаводаро раҳо кардаву рафтааст. Ӯ бо хоҳараш хонаеро дар Душанбе иҷора гирифтаанд. Шаш моҳ пеш онҳо аз хонаи холаашон, ки сарпарастияшонро бар уҳда дорад, рафтаанд. Меҳрона ҳамзамон таҳсил ва кор мекард то ҳазинаи зиндагии худу хоҳарашро пардохт кунад.

"Ростиро бигӯям, ҳамзамон таҳсилу кор кардан бисёр душвор аст, вале ман аз ҳар фурсате истифода мекунам", — мегӯяд вай.

Вале Меҳрона ҳамеша сарпараст надошта ва чанд замонеро дар интернат ҳам ба сар бурдааст. Ин давронро вай бо лабханд ба ёд меоварад.

"Боре раисҷумҳур Эмомалӣ Раҳмон аз интернатамон боздид карда буд. Ман барояш сурудеро хонда будам. Раисҷумҳур бо лабханд аз ман ситоиш карду гуфт, ки духтараки хубе ҳастам", — ба ёд меорад Меҳрона он дидорро.

Меҳрона орзӯ дорад овозхони пешакор шавад. Вай ҳамакнун ҳунарҷӯи Ҳунаркадаи мусиқии Душанбе аст. Ӯ дар озмуни "Ту беҳтаринӣ!" ширкат дорад то худро бисанҷад ва пирӯзӣ ба даст оварад. Вай мегӯяд, ки дар ин муддате, ки дар Маскав тамрину ҳунарнамоӣ мекунаду омода мешавад бо бархе аз довталабон дӯст шудааст.

 

Лентаи хабарҳо
0