Китоби нави Абдуҷаббор Раҳмонзода дар бораи дӯстии тоҷикону узбакон

© © Sputnik / Амир ИсаевПомощник президента по вопросам социального развития и связям с общественностью Абдуджаббор Рахмонзода
Помощник президента по вопросам социального развития и связям с общественностью Абдуджаббор Рахмонзода - Sputnik Тоҷикистон
Обуна шудан
Нашриёти "Шарқи Озод" очерки нави илмӣ-оммавии академик Абдуҷаббор Раҳмонзодаро таҳти унвони «Равобити адабию фарҳангии халқҳои тоҷик ва ўзбек» ба сифати китоби алоҳида ва бо теъдоди ҳазор нусха ба нашр расонид

ДУШАНБЕ, 4 июл — Sputnik. Ёвари раисҷумҳур дар масоили рушди иҷтимоӣ ва робита бо ҷомеа Абдуҷаббор Раҳмонзода дар бораи дӯстии тоҷикону узбакҳо мақолаи илмие навиштааст, ки онро дар шакли китоб мунташир кардаанд. Дар ин бора дафтари  матбуотии Вазорати фарҳанги ҶТ иттилоъ медиҳад.

Очерки таҳқиқӣ аз ҳашт қисм иборат буда, аз дӯстии Мавлоно Абдураҳмони Ҷомӣ ва Мир Алишери Навоӣ,  Садриддин Айнӣ ва Ҳамза Ҳакимзода Ниёзӣ, Абдулло Қодирӣ ва Ғафур Ғулом, Мирзо Турсунзода ва Шароф Рашидовнақл мекунад.

Муаллиф дар очерк ба масъалаҳои равобити фарҳангии ду халқ, вобаста ба аҳамияти баргузории рўзҳои фарҳангии якдигар, нақши тоҷикону ўзбакон дар рушди санъати миллии ҳамдигар, тарбияи кадрҳои соҳаи санъат ва  масоили дигар мулоҳиза рондааст.

"Лозим ба ёдоварист, ки очерк тамоми ҷанбаҳои дўстӣ ва равобити адабию фарҳангии ду халқи ҳамсояро аз қарни XV то замони имрўза фаро гирифта, бо забони фасеҳу оммафаҳми ба аҳли васеи хонандагон дастрас таълиф гардидааст", — менависад манбаъ.

Лентаи хабарҳо
0