Дархости дастгирии Рустамов аз ҳамватанон дар шоми ҷумъа: Ӯ нахустин хоҳад буд - навор

© © Sputnik Даниель Рустамов, архивное фото
Даниель Рустамов, архивное фото - Sputnik Тоҷикистон
Обуна шудан
Даниэл Рустамов, овозхони маъруфи зодаи Тоҷикистон аз ҳамватанону мухлисон хоҳиш дорад, ки ӯро дар марҳилаи нимниҳоии озмуни “Голос” бо додани овозҳои худ дастгирӣ кунанд

ДУШАНБЕ, 28 дек – Sputnik. Рустамов бо нашри як муроҷиатнома дар саҳифаи фейсбукияш гуфт, ки рӯзи ҷумъа соати 21:30 пахши мустақими барномаи “Голос”, марҳилаи нимниҳоӣ оғоз хоҳад шуд.

“Ман нахустин шуда дар барнома ҳунарнамоӣ хоҳам кард. Аз ҳамватанон ва ҳамаи онҳое, ки ба  эҷодиётам таваҷҷуҳ доранд, хоҳиш дорам, ки маро дастгирӣ кунанд”, - изҳор доштааст Рустамов.

Даниель Рустамов, архивное фото - Sputnik Тоҷикистон
Шукри Худою сипос ба ҳамватанон: Даниэл Рустамов гуфт, ба орзуяш наздик расид - видео

Даниэл Рустамов, ки ҳафтаи гузашта бо раъйи мухлисон ба даври нимниҳоии барномаи “Голос”-и шабакаи аввали телевизиони Русия роҳ ёфт, инчунин ба мухлисон миннатдорӣ баён кард.   

“Шукри Худо, ки шумо маро дар даври чорякниҳоӣ наҷот додеду ба марҳилаи нимниҳоӣ гузаштам Аз чунин дастгирӣ хеле хушҳолам. Гуфтаниям, ки ин беҳтарин лаҳза дар ҳаётам мебошад. Дар коре, ки мо анҷом медиҳем, ҳар яки шумо ҷузъи ин равандед ва мо чун як дастгоҳи бузургем. Пирӯзии ман пирӯзии шумост”, - навишта буд Даниэл Рустамов дар саҳифаи фейсбукияш.

Лентаи хабарҳо
0