07:12 24 январи 2019
Пахши мустақим
  • USD9.44
  • EUR10.73
  • RUB0.14
Зулайхо Мамадшоева, овозхони тоҷик, акс аз бойгонӣ

Зулайхо Мамадшоева: ташкилкунандагон зарари ҳар 1 мухлисро барқарор кунанд

© Sputnik
Фарҳанг
Гирифтани линки кӯтоҳ
266510

Зулайхо Мамадшоева, овозхони тоҷик дар пайи консерти баҳсбарангезаш дар шаби 27-уми декабр дар яке аз тарабхонаҳои Маскав изҳор дошт, ки ташкилкунандагон бояд зарари мухлисонро ҷуброн кунанд

ДУШАНБЕ, 29 дек – Sputnik. Мамадшоева бо нашри як изҳорот дар саҳифаи расмияш дар Инстаграм гуфт, нофаҳмӣ дар консерти шаби 27-уми декабр дар яке аз тарабхонаҳои Маскав натиҷаи фиребкории ташкилкунандагони он буд. 

“Зимнан чиптаҳои консертро низ ташкилкунандагон фурӯхтанд, аммо аз иҷрои талаботи қарордод даст кашида, ҳайати эҷодии моро хеле дар ғурбат саргардон карданд. Оқибат бо кумаки зумрае аз дӯстон ва кормандони консулгариву сафоратамон 80% маблағи маслиҳатшударо бо талошу машаққат гирифтем, аммо пурра не. Ман бо ин ҳол ду маротиба дар назди мухлисони азизам баромад кардам. Маҳз эҳтироми мухлисон водорам сохт, ки баромад кунам, вагарна бо ин найранги ташилкунандагони консерт ҳеч касе аз гуруҳи эҷодӣ розӣ набуд, то саҳна барояд”, - таъкид кардааст овозхони тоҷик.

Ӯ бо нашри як паёми дигар афзуд, “ман тарафдорам, ки ташкилкунандагон зарари ҳар мухлисро барқарор кунанд”.

Посмотреть эту публикацию в Instagram

Ба диккати тамоми мухлисон мерасонам, ки консерти шахри Маскав мазх бо хатокори ва бемасъулиятии такшилкунандагонаш дучори мушкил шуд. Тибки карордод ташкилкунандагон бояд кабл аз баромад музди маслихатшударо пардохт мекарданд, зеро гурухи эчодии мо бо харочоти зиёде аз Точикистон ба Маскав парвоз карданд. Зимнан чиптахои консертро низ ташкилкунандагон фурхтанд, аммо аз ичроиши талаботи карордод даст кашида, хайати эчодии моро хеле дар гурбат саргардон карданд. Окибат бо кумаки зумрае аз дустон ва кормандони консулгариву сафоратамон 80 % маблаги маслихатшударо бо талошу машаккат гирифтем, аммо пурра не. Ман бо ин хол ду маротиба дар назди мухлисони азизам баромад кардам. Махз эхтироми мухлисон водорам сохт, ки баромад кунам, вагарна бо ин найранги ташилкунандагони консерт хеч касе аз гурухи эчоди рози набуд, то сахна барояд. Дар масъалаи пул инро гуфтаниям, ки он маблаг танхо харчи сафари дутарафа ва сарфи будубошашонро дар Москов рупуш мекарду халос. Яъне, маблаге нест, ки барои гуфтанаш ва ночавонмардона напардохтанаш овоз баланд кунанд. Дар рафти консерт Шайх ном нафаре, ки бо наворхояш дар Инстаграм машхур аст, дар холати масти хунармандонро хеле тахкир кард ва ин Шайх нафарест, ки дар масъалаи пардохти пули консерт хунармандонро дидаву дониста фиреб дод. Баъди ду маротиба ба сахна баромадан ман аз он макон рафтам, вале ташкилкунандаи консерт дар пеши мардум ба сахна баномада, бо суханони дуруг ба мардум мегуяд, ки гуё Зулайхо маблагро гирифтаасту пурра нахонда гурехтааст. Дар асл ин тоифа ахли хунарро фиреб доданд. То хол пули моро пурра пардохт накарданд. Боз Шайх тахдид карда, аз номи одамони воломакоми кишвар харф мезанад, ки гуё конун ба у дахл надорад, чизе хохад мекунад. Тахдид ва тахвин! Барои тахдиду тахвин конун чазо мукаррар кардааст. Хулоса, аз мухлисони азизу гироми эхтиромона хохиш мекунам, ки дар ин казия аз ман ва ахли эчод гилламанд нашаванд. Тамоми казия аз фиребгари, найрангбози, дуруггуи ва номардии ташкилкунандагони консерт ва Шайх аст. Мо ба хотири эхтироми хамватанони азиз ба Моков омадем, аммо хамин одамоне, ки моро даъват карданд, хамватанони азизи моро фиреб доданд. Хеле мутаассифам, ки ин нокасон гуноху хатои худро ба сари хунарма

Публикация от Zulaykho Mahmadshoeva (@zulaykhoofficial)

Овозхони тоҷик аз нафаре, ки бо номи Шайх дар шабакаи иҷтимоии Инстаграм маъруф аст, гила кардааст, ки дар баробари иҷро накардани қарордод дар давоми ҳунарнамоӣ ба аҳли ҳунар таҳдиду тавҳин кардааст.

Ин дар ҳолест, ки қаблан дар шабакаҳои иҷтимоӣ маводе дар мавриди ваъдахилофиҳои Мамадшоева нашр гардида буданд, ки гӯиё маблағи тамошобинонро гирифтаасту то охир ҳунарнамоӣ накардааст.

Дар тавзеҳи ин иддао овозхон аз мухлисон даъват кардааст, ки на аз аҳли ҳунар, балки аз ташкилкунандагон гиламанд бошанд.

“Баъди ду маротиба ба саҳна баромадан ман аз он макон рафтам, вале ташкилкунандаи консерт дар пеши мардум ба саҳна баромада, боз суханони дурӯғ ба мардум мегӯяд, ки гуиё Зулайхо маблағро гирифтаасту пурра нахонда, гурехтааст. Дар асл ин тоифа аҳли ҳунарро фиреб доданд. То ҳол пули моро пурра пардохт накарданд”, - таъкид кардааст Мамадшоева.

Мамадшоева аз овозхонҳои ҷавони тоҷик мебошад, ки дар арафаи Соли нав бо сафари ҳунарӣ дар Маскав қарор дорад.

Қаблан иттилоъ дода шуда буд, ки консерти дигари Зулайхо бахшида ба таҷлили Соли нав шоми 29 декабр дар Маркази фарҳангии тотории Маскав баргузор мешавад.

Мавзӯъҳои асосӣ