Эълони озмун: Иттифоқи нависандагон беҳтарин асар меҷӯяд

© Flickr \ Toshiyuki IMAIПеро
Перо - Sputnik Тоҷикистон
Обуна шудан
Иттифоқи нависандагони Тоҷикистон бахшида ба ҷашни 30-солагии Истиқлолияти Тоҷикистон барои таҳияи асарҳои беҳтарин озмуни ҷумҳуриявӣ эълон кардааст

ДУШАНБЕ, 9 янв - Sputnik. Иттифоқи нависандагони Тоҷикистон бахшида ба ҷашни 30-солагии Истиқлолияти Тоҷикистон барои таҳияи асарҳои беҳтарин озмуни ҷумҳуриявӣ эълон кард, иттилоъ додааст Иттифоқи нависандагон.

Бино бар иттилои манбаъ, ҳадафи озмун эҷоди шеърҳо, ҳикояҳо, очеркҳо ва асарҳои саҳнавии нави баландғояи ватандӯстона, тараннуми дастовардҳои замони Истиқлолияти Тоҷикистон, саҳми Эмомалӣ Раҳмон, раисҷумҳури кишвар дар бунёди давлатдории навини тоҷикон ва тарғибу ташвиқи анъанаҳои арзишманди миллӣ мебошад.

Празднование Навруза в Наврузгохе, архивное фото - Sputnik Тоҷикистон
Озмун: интихоби сенария барои ҷашнҳои “Рӯзи модар”, “Наврӯз-2019” ва “Сайри лола” дар Суғд

Дар озмун шоирон, нависандагон, драматургон, очеркнависон иштирок менамоянд.

Ҷамъбасти озмун дар арафаи таҷлили ҷашни Истиқлолияти Тоҷикистон сурат мегирад.

Тибқи муқаррароти озмун, шеър аз 150 сатр, хикоя, очерк ва асарҳои саҳнавӣ аз 15 саҳифаи А-4 (фосилаи байни сатрҳо 1, шрифт Palatino Linotype) бояд зиёд набошанд.

Барои ғолибони ҷойи аввал (барои шеър, ҳикоя, драма, очерк) – се ҳазор  сомонӣ, ғолибони ҷойи дуюм (барои шеър, ҳикоя, драма, очерк) – 2,5 ҳазор сомонӣ ва сеюм (барои шеър, ҳикоя, драма, очерк) – ду ҳазор сомонӣ муқаррар гардидааст.

Ба иттилои манбаъ, қабули асарҳо то 15 августи соли 2019 идома меёбад.

Лентаи хабарҳо
0