“Ҷои тааҷҷуб нест”: раиси Суди олӣ гуфт, туҳфаҳои қимат дар пойгаю бузкашӣ пешниҳоди ӯ буд

© Sputnik / Амир ИсаевШермухаммад Шохиён
Шермухаммад Шохиён - Sputnik Тоҷикистон
Обуна шудан
Шермуҳаммади Шоҳиён, раиси Додгоҳи олии Тоҷикистон, ки ҳамзамон раиси Федератсияи пойга ва бузкашӣ дар кишвар мебошад, изҳор дошт, ки туҳфаҳои арзишманд дар ин мусобиқаҳо пешниҳоди ӯ буд

ДУШАНБЕ, 13 фев — Sputnik. Шоҳиён зимни нишасти матбуотӣ дар посух ба суоли хабарнигорон тасдиқ кард, ки ҳозир дар ин мусобиқаҳо туҳфаҳои қимат гузошта мешаванд ва афзуд ин ҷои тааҷҷуб нест.

Бузкашӣ: бозии миллӣ ва аспсаворӣ - Sputnik Тоҷикистон
Бузкашӣ: бозии миллӣ ва аспсаворӣ

“Ягон ҷои тааҷҷубовар нест, ин аз он гувоҳӣ медиҳад, ки зиндагии мардум хуб шуда истодааст”, - изҳор дошт раиси Федератсияи пойга ва бузкашӣ.

Шоҳиён афзуд, дар маҷлиси Федератсия ҳам таъкид кардааст, ки дар Тоҷикистон мошин бисёр арзон аст, хусусан мошинҳои маркаҳои “жигулӣ”, ки ба ивази 500 – 1000 доллар харидорӣ мешаванд.

“Ман шоҳид ҳастам, паҳлавонҳо ҳамон мошини гузоштаро вақте мегиранд, ҳатто то хона бурда наметавонанд, на матораш кор мекунад, ин як дарди сари зиёдатӣ. Ман пешниҳод кардам, ки аз ин худдорӣ кунем, як туҳфае гузорем, ки камтарак арзиш дошта бошад”, - тавзеҳ дод ӯ.

Шоҳиён ҳадафашро дар он гуфт, ки аз ин мусобиқаҳо нафаре, ки барои парвариши асп хароҷот мекунад, ё худ ҳамон паҳлавон бурд кунад.

Бузкаши: национальная забава на лошадях - Sputnik Тоҷикистон
Дар Суғд сабқати пойга ва бузкашӣ баргузор мешавад

Раиси Додгоҳи олӣ таъкид намуд, гарчанде қонун манъ накардааст, аз ҷониби Федератсия мактуби расмӣ ба навоҳӣ ирсол шудааст то мусобиқаҳои пойгаю бузкашӣ танҳо дар идҳои расмӣ дар рӯзҳои истироҳат ташкил карда шаванд.

Ӯ илова намуд, пойгаю бузкашӣ, ки дар маросимҳои хатнатӯй зиёд шуда буданд, бар асоси қонуни танзими ҷашну маросимҳо мамнуъ гардиданд.

Шоҳиён дубора таъкид намуд, ки пойгаю бузкашӣ танҳо бахшида ба идҳои расмӣ дар рӯзҳои истироҳатӣ баргузор мешаванд ва мусобиқаҳоро махсусан барои ноҳияҳои куҳистону чорводор муҳим хонд.

Лентаи хабарҳо
0