Генерал Раҳимзода ба муносибати Рӯзи Модар шеър хонд

© Фото : МВД Республики ТаджикистанМинистр МВД РТ Рамазон Рахимзода, архивное фото
Министр МВД РТ Рамазон Рахимзода, архивное фото - Sputnik Тоҷикистон
Обуна шудан
Рамазон Раҳимзода, вазири умури дохилии Тоҷикистон дар ҷамъомади тантанавӣ бахшида ба Рӯзи Модар хонумонро шодбош гуфта, рӯзгори ободу осударо таманно кардааст

ДУШАНБЕ, 7 мар – Sputnik. Тибқи иттилои дафтари матбуоти ВУД, Раҳимзода аз мавқеи зан дар ҷомеа,  бахусус дар мақомоти корҳои дохилӣ тавсиф карда, нақши зан-модарро чунин дар шакли назм чунин арзёбӣ намудааст:

Биҳишт, эй ҳамдилон, зери қудуми модарон бошад,
Ҳама дарди ҷаҳон дар қалби модарҳо ниҳон бошад.
Дуъои ҷони фарзандаш кунад дар ҳар ибодат ӯ,
На дар фикри ғами дунё, на дар моли ҷаҳон бошад.

Раҳимзода таъкид кардааст, ки имрӯз занон дар баробари ба дунё овардани тифл, тарбияи фарзанд ва мушкилоти зиндагӣ, боз таъмини суботу оромӣ ва мубориза бо ҷинояткориро бар ӯҳда доранд, ки ин мояи ифтихор аст.

Глава Согдийской области в канун праздника Дня Матери посетил героя труда Хамроххон Тахирова - Sputnik Тоҷикистон
Аҳмадзода дар арафаи Рӯзи Модар ба аёдати собиқадори меҳнат Ҳамроҳхон Тоҳирова рафт

Ӯ афзудааст, ки имрӯзҳо садҳо нафар занони мақомоти корҳои дохилӣ дар баробари мардон паҳлӯ ба паҳлӯ истода, дар таъмини ҳифзи тартиботи ҷамъиятӣ ва амнияти шаҳрвандон, аз худ истеъдоду лаёқати баланди корбарӣ, вафодорӣ ва садоқат ба ин пешаи пурифтихорро зоҳир менамоянд.

“Айни замон дар мақомоти корҳои дохилӣ беш аз 1500 нафар занон кору фаъолият менамоянд, ки аз ин шумора зиёда аз 80нафар дар ҳайати роҳбарикунанда масъулияти баланди касбиро ба ӯҳда доранд”, - изҳор доштааст Раҳимзода.

Ҳамасола дар Тоҷикистон 8 март ҳамчун Рӯзи модар таҷлил мегардад ва бар асоси қонунгузорӣ рӯзи истироҳат мебошад. Қаблан 8 март дар Тоҷикистон ҳамчун “Рӯзи байналхалқии занон” таҷлил мешуд, вале чанд соли қабл давлати Тоҷикистон онро бо Рӯзи модар иваз намуд.

Лентаи хабарҳо
0