02:02 14 ноябри 2019
Пахши мустақим
  • USD9.70
  • EUR10.67
  • RUB0.15
Книга, архивное фото

Тоҷикистон дар озмуни байналмилалии “Санъати китоб” дар Боку иштирок хоҳад кард

CC0 / Pixabay
Фарҳанг
Гирифтани линки кӯтоҳ
79 0 0

30 майи соли равон дар шаҳри Бокуи Озарбойҷон XVI озмуни байналмиллаии “Санъати китоб” байни кишварҳои ИДМ баргузор мегардад

ДУШАНБЕ, 28 мая - Sputnik. Бино бар иттилои дафтари матбуоти Вазорати фарҳанги Тоҷикистон дар озмуни мазкур намояндагони соҳаи табъу нашр аз кишварҳои узви ИДМ иштирок хоҳанд кард.

Манбаъ қайд намудааст, ки 30 май дар Китобхонаи миллии Озарбойҷон ҷаласаи ҳайати ҳакамони озмун доир мегардад. Дар ҷаласаи мазкур директори “Хонаи китоби Тоҷикистон” Қурбон Бӯриев, ки аъзои доварони озмуни мазкур аст, иштирок хоҳад кард.

Ба озмуни мазкур аз Тоҷикистон як қатор адабиёти тозанашр пешниҳод мегарданд.

Ёдрас мешавем, ки соли гузашта ҷаласаи ҳайати ҳакамони озмуни мазкур дар шаҳри Душанбе сурат гирифта, ҷилди аввали Донишномаи фарҳанги мардуми тоҷик сазовори Шоҳҷоизаи Озмуни XV байналмилалии “Санъати китоб” гардида буд.

Инчунин бояд қайд намуд, ки ба хотири ташвиқу тарғиб ва оммавигардонии мутолиаи китоб соли 2019 дар қаламрави ИДМ ҳамчун  Соли китоб  эълон гардидааст.

Барчаспҳо:
Боку, байналмилалӣ, Озмун, китоб, Озарбойҷон, Тоҷикистон

Мавзӯъҳои асосӣ