19:17 24 июни 2019
Пахши мустақим
  • USD9.44
  • EUR10.75
  • RUB0.15
Прилет президента Таджикистана Э. Рахмона в Москву

70 нусха китоби Эмомалӣ Раҳмон "Уфуқҳои Истиқлол" ба китобхонаҳои Хатлон ирсол шуд

© Sputnik / Михаил Воскресенский
Фарҳанг
Гирифтани линки кӯтоҳ
78 0 0

Китоби раисиҷумҳури Тоҷкистон, «Уфуқҳои Истиқлол» барои сиёсатшиносону муаррихон, муҳаққиқону коршиносони масоили сиёсӣ, иқтисодӣ, иҷтимоӣ, байналмиллалӣ, рӯзноманигорон пешбинӣ гардидааст

ДУШАНБЕ, 11 июн — Sputnik. Рӯзи 8 июн аз ҷониби Вазорати фарҳанги Тоҷикистон ба воситаи Муассисаи давлатии Китобхонаи оммавии вилояти Хатлон ба номи Шамсиддин Шоҳин, 70 нусха китоби тозанашри Эмомалӣ Раҳмон таҳти унвони «Уфуқҳои Истиқлол» ба вилоят ирсол шуд.

Ба гузориши Вазорати фарҳанг, китобҳо ҳамчун туҳфа ба Китобхонаҳои марказонидашудаи шаҳру ноҳияҳои вилояти Хатлон ирсол гардиданд.

"Китоби «Уфуқҳои Истиқлол» дар бораи бурду бохт ва комёбиву дастовардҳои кишвар дар чаҳоряк асри Истиқлоли давлатӣ, марҳалаи эҳё ва барқарорсозии давлати миллии тоҷикон, рушди иқтисодии мамлакат, сиёсати иҷтимоӣ ва натиҷаҳои умедбахши он, Ваҳдати миллӣ ва суботи иҷтимоӣ, манфиатҳои миллӣ ва сиёсати хориҷӣ, мақоми Тоҷикистон дар ҷаҳони муосир ва фардои дурахшони кишвари соҳибистиқлоламон нақл мекунад",-омадааст дар хабарнома.

Китоби раисиҷумҳури Тоҷкистон, «Уфуқҳои Истиқлол» барои сиёсатшиносону муаррихон, муҳаққиқону коршиносони масоили сиёсӣ, иқтисодӣ, иҷтимоӣ, байналмиллалӣ, рӯзноманигорон ва умуман доираи васеи хонандагон пешбинӣ гардидааст.

Манбаъ афзуда, ки хонандагон метавонанд, китоби Эмомалӣ Раҳмон «Уфуқҳои Истиқлол» -ро аз китобхонаҳои вилояти Хатлон дастрас ва мутолиа намоянд.

Мавзӯъҳои асосӣ