15:28 06 декабри 2019
Пахши мустақим
  • USD9.68
  • EUR10.74
  • RUB0.15
Узбекская артистка Севинч Муминова

Консерти Севинч Мӯъминова дар Панҷакент низ барпо нашуд: касе чизе намедонад

Sputnik/ Сергей Кузнецов
Фарҳанг
Гирифтани линки кӯтоҳ
717 0 0

Консерти Севинч Мӯъминова, овозхони маъруфи узбак, ки қарор буд имрӯз, 13-уми ноябр, соати дуи баъд аз зуҳр дар варзишгоҳи марказии шаҳри Панҷакент баргузор гардад, барпо нашуд

ДУШАНБЕ, 13 ноя — Sputnik. Қаблан консерти ин овозхон, ки рӯзи якшанбе, 10 ноябр, мебоист дар шаҳри Турсунзода баргузор мегардид, низ лағв шуда буд.

Манобеъи Sputnik Тоҷикистон аз қавли сокинони ин шаҳр мегӯяд, ки Севинч ба сабаби маризӣ натавонистааст ба Тоҷикистон ояд, аз ин хотир, чорабинӣ лағв шуд.

Севинч Муъминова дар Тоҷикистон ҳунарнамоӣ мекунад

Худи овозхон дар саҳифаҳои расмиаш дар шабакаҳои иҷтимоӣ то ба ҳол дар ин бора шарҳе ироа накардааст.

Як сокини Панҷакент ба Sputnik Тоҷикистон  гуфт, садҳо нафар мухлиси овозхони узбак, ки чипта харидорӣ карда буданд, низ дар назди даромадгоҳи варзишгоҳи Панҷакент ҷамъ шуданд, аммо бо сабабҳои номаълум консерти мазкур баргузор нашуд.

"Танҳо ба мо гуфтанд, ки консертро гӯё Ислом Зиёзода, раиси шаҳри Панҷакент иҷозат надодааст. Дар варзишгоҳ касе нест, моро ҳам огоҳ накарданд, ки консерт баргузор намешавад", - гуфт ин манбаъ.

Дар ҳамин ҳол, масъулини ҳукумати шаҳри Панҷакент ба Sputnik гуфтанд, ки аз баргузории ин консерт хабар надоранд ва сабаби баргузор нашуданаш низ барояшон маълум нест.

Ба қавли сокинони шаҳри Панҷакент, қариб 20 рӯз ба ин сӯ эълони консерт дар радиову телевизиони маҳаллӣ пахш мешавад ва овезаҳо ҳам дар шаҳру деҳот насб шуда буданд.

Барчаспҳо:
Панҷакент, Севинч Муъминова, консерт

Мавзӯъҳои асосӣ