"Барои ба даст оварданаш даҳ бор мерам": Истиқболи гарм аз чопи “Тоҷикон” дар Кобул

© Sputnik / В. Лаврищев / Гузариш ба медиабонкАкадемик Бободжан Гафуров, архивное фото
Академик Бободжан Гафуров, архивное фото - Sputnik Тоҷикистон
Обуна шудан
"Тоҷикон"- шоҳасари аллома ва Қаҳрамони миллии Тоҷикистон Бобоҷон Ғафуров дар шаҳри Кобул, пойтахти Афғонистон ба нашр расид

ДУШАНБЕ, 4 дек — Sputnik. Дар шаҳри Кобул, шоҳасари аллома ва Қаҳрамони миллии Тоҷикистон Бобоҷон Ғафуров ба нашр расид.

Ҳабиб Ҳамидзода, яке аз мубтакирони чопи ин китоб, мегӯяд, баргардони онро ба ҳуруфи форсӣ Ҷалолуддин Сиддиқӣ ва Равшани Раҳмонӣ анҷом додаанд.

© предоставлено Ҳабиб Ҳамидзода Книга "Таджики" Бободжона Гафурова
Барои ба даст оварданаш даҳ бор мерам: Истиқболи гарм аз чопи “Тоҷикон” дар Кобул  - Sputnik Тоҷикистон
Книга "Таджики" Бободжона Гафурова
"Алломаи бузургвор дар Афғонистон дар миёни аҳли зиё ва таърихнигорон маҳбубияти хос доранд. Ин китоб на фақат он кас, балки таърихи тоҷиконро барои тоҷикони ин сӯи Ому муаррифӣ хоҳад кард.  Умедворем, ҳаводорон ва пажӯҳишгарони таърих аз он баҳраманд мешаванд. Мутолиаи ин асари бузургро барои ҳама, бахусус насли ҷадиди кишвар пешниҳод мекунам”, - гуфт Ҳамидзода.

Вокунишҳо ба нашри “Тоҷикон” дар шабакаҳои иҷтимоӣ нишон медиҳад, ки нашри ин китоб дар Афғонистон ба истиқболи гарм рӯбарӯ шудааст.

Тканное панно с изображением Бободжана Гафурова в институте востоковедения - Sputnik Тоҷикистон
Бобоҷон Ғафуров ва нақши ӯ дар рушди Институти шарқшиносӣ дар шаҳри Маскав

Шераҳмади Оршом, як донишҷӯ навиштааст, барои гирифтани ин китоб ба дӯкон рафтааст, аммо фурӯшанда гуфтааст, ки инҳо барои намоиш ҳастанд ва фурӯхта намешаванд, то рӯнамоӣ нашавад.

Вақте масъули чоп ба ӯ маслиҳат дод, ки дигарбора равад, вай навишт: "Барои ба даст оварданаш даҳ бор мерам. Бегоҳӣ ҳам мерам".

Бобоҷон Ғафуров ва нақши ӯ дар рушди Институти шарқшиносӣ дар шаҳри Маскав

"Тоҷикон" – ро интишороти Амирӣ дар Кобул омода ва ба теъдоди 1000 нусха дар Теҳрон, пойтахти Эрон чоп кардааст.

Лентаи хабарҳо
0