ДУШАНБЕ, 27 апр — Sputnik. Филармонияи давлатии Тоҷикистон ба номи Акашариф Ҷӯраев тибқи нишондоди сайти сайёҳии TurStat ба даҳгонаи беҳтарин филармонияҳои ИДМ шомил шудааст.
Рейтинг ба таҳлили маъруфият ва пешниҳоди барномаҳои онлайнии консертҳо дар сайтҳои филармония ва шабакаҳои иҷтимоии онҳо асос ёфтааст.
Дар баробари Филармонияи давлатии Тоҷикистон ҳамчунин ба ин даҳгона аз Русия Филармонияи давлатии Маскав , Филармонияи академии Санкт-Петербург ба номи Д. Д. Шостакович шомил шудаанд.
Ҳамчунин ба ин рӯйхат, Филармонияи давлатии Беларусия, Филармонияи давлатии Қазоқистон ба номи Ҷамбул, Филармонияи давлатии Озарбойҷон ба номи Муслим Магомаев, Филармонияи давлатии Арманистон, Филармонияи давлатии Ӯзбекистон, Филармонияи Миллии Қирғизистон ба номи Токтогул Сатилганов, Филармонияи Миллии ба номи Сергей Лункевич, Кишинёв дохил шудаанд.
