13:42 28 сентябри 2020
Пахши мустақим
  • USD10.33
  • EUR12.02
  • RUB0.13
Фарҳанг
Гирифтани линки кӯтоҳ
475 0 0

Маҷлиси намояндагони Тоҷикистон тағйирот ба қонун “Дар бораи кино”-ро қабул кард, ки мақомоти масъулро барои гуруҳбандии тамошобинон аз рӯи синну сол муваззаф мекунад

ДУШАНБЕ, 29 апр — Sputnik. Тағйирот ба қонун “Дар бораи кино” аз ҷониби вакилони Маҷлиси намояндагони  даъвати гузашта пешниҳод гардида буд, хабар дод “Ховар”.

Бахтовар Сафарзода, масъули кумитаи Маҷлиси намояндагон оид ба корҳои байналмилалӣ, иттиҳодияҳои ҷамъиятӣ ва иттилоот зимни шарҳи тағйирот гуфт, мақоми ваколатдори давлатӣ дар соҳаи кино вазифадор мегардад, ки вобаста ба синну сол ба воситаҳои пахшкунандаи кино – филмҳо ва намоиши онҳо таснифбандӣ муқаррар намоянд.

“Сухан сари он меравад, ки пеш аз пахш ё намоиши кино масъулин бинандаро бояд огоҳ карда, аломатҳои +0, +6, +12, +16 ва +18-ро мувофиқ ба таснифбандии синнусолӣ, ки ба стандартҳои байналмилалии намоиши кино мувофиқат мекунад, гузоранд”, - навиштаст “Ховар” аз қавли Бахтовар Сафарзода.

Ба гуфтаи ин вакили мардумӣ, масъулин вазифадоранд ҳангоми пахши филмҳо дар як гӯша аломатҳои синну солро нишон диҳанд.

Тағйироти мазкур бо ҷонибдории аксарияти вакилони мардумӣ қабул гардиданд.

Мавзӯъҳои асосӣ