Даргузашти шоир Акрами Ризом, роҳбари маҳфили “Гулбарг”

© Pixabay/kpereira52291Свеча
Свеча - Sputnik Тоҷикистон
Обуна шудан
Шоир Акрами Ризом, узви Иттифоқи нависандагони Тоҷикистон, соҳиби ҷоизаи ба номи Шамсиддини Шоҳин ва роҳбари маҳфили "Гулбарг" аз олам даргузашт

ДУШАНБЕ, 22 авг — Sputnik. Акрами Ризом, муаллифи маҷмуаҳои шеърии "Афсонаи хаёл", "Гулшани хаёл", "Ғазали ишқ", "Ашки санг", "Маҳтоби Сари Хосор" имрӯз дар синни 69-солагӣ даргузашт, хабар дод сомонаи ҳукумати ноҳияи Вахш.

Президент Республики Таджикистан Эмомали Рахмон - Sputnik Тоҷикистон
Шарҳи Раҳмон дар бораи чашмкабудии бадахшониён ва падараш-видео

Рӯзноманигор Орзуи Карим аз қавли наздикону пайвандони шоир хабар додааст, ки марҳум аз бемории қалб ранҷ мекашид.

Манбаъ афзуд, шоир Ризомро, ки унвони аълочии маорифи Тоҷикистонро дошт, имрӯз дар маркази ноҳияи Вахш ба хок супурданд.

Зикр шуд, ки Акрами Ризом соли 1993, замони ҷанги шаҳрвандӣ, шоирону нависандагонро дар маҳфили адабии "Гулбарг" сарҷамъ карда, ба аҳли қалам кумак мекардааст.

Дар сӯгнома, ки сомонаи ҳукумати ноҳияи Вахш нашр кард, таъкид шудааст, ки устод Акрами Ризом умри бобаракат дид. Ӯ аз худ кори неку номи нек боқӣ гузошт.

Лентаи хабарҳо
0