“Баҳром Ғафурӣ зинда шуд!”: Анӯш Ғафурӣ кист?-видео

© саҳифаи шахсии Анӯш ҒафурӣАнӯш Ғафурӣ ва падараш Баҳром Ғафурӣ
Анӯш Ғафурӣ ва падараш Баҳром Ғафурӣ - Sputnik Тоҷикистон
Обуна шудан
Анӯш Ғафурӣ, писари бузурги Баҳром Ғафурӣ, овозхони маъруфи тоҷик, як таронаи падарашро бозхонӣ кард

ДУШАНБЕ, 5 сен — Sputnik. Анвар Ғафурӣ, бародари Баҳром Ғафурӣ, дар тафсили ин хабар ба Sputnik Тоҷикистон гуфт, Анӯшервон танҳо ба хотири гиромидошти хотираи падар ва баёни эҳсоси ҷудоии нобаҳангом аз ӯ ин таронаро суруда, ҳанӯз тасмими ниҳоӣ барои омадан рӯи саҳна нагирифтааст.

“Як рӯз ба ман гуфт, ки амакӣ, иҷоза диҳед, то ин таронаи падарамро бозхонӣ кунам. Ростӣ, ҳоло ҳам хонаводаи мо аз марги фарзанд ба худ наомадааст. Аммо чун дидам, ки иҷроиши хуб дорад ва ҳам тарона бо вазъи руҳонии аҳли хонавода ҳамхонӣ мекунад, кӯмакаш кардем, то онро иҷро намояд ва ҳам якбора клип созад”, - гуфт Анвар Ғафурӣ.

Рӯзи 4 сентябр дар шабакаҳои иҷтимоӣ қисмате аз клипи Анӯш Ғафурӣ, ки яке аз таронаҳои охирини падарашро ба унвони “Хона холӣ” бозхонӣ кардааст, пахш шуд. Ин наворро тайи як шабонарӯз дар шабакаи YouTube ҳудуди 100 ҳазор нафар тамошо карда, 4 ҳазор низ лайк гузоштаанд. Яке аз бинандагон низ дар шарҳҳои ин видео навишт: “Баҳром Ғафурӣ зинда шуд...

Бахром Гафури - Sputnik Тоҷикистон
Суқути ситораи санъати тоҷик: даргузашти Баҳром Ғафурӣ - видео

” Анӯш Ғафурӣ, писари бузурги Баҳром Ғафурӣ аст, ки 12 апрели соли 2000 дар шаҳри Душанбе таваллуд шуда, таҳсилоти миёна ва ибтидоии мусиқиро дар Мактаб - интернати миёнаи махсуси санъати ҷумҳуриявии ба номи Миратулло Атоев фаро гирифтааст.

Соли 2015 ба Консерваторияи миллии Тоҷикистон ба номи Талаб Сатторов дохил шуда, пас аз се соли таҳсил ҷиҳати омӯзиши забони чинӣ ба Чин рафт ва пас аз шуъюи “вируси корона” аз ин кишвар баргашт.

Анвар Ғафурӣ мегӯяд, ҳоло маслиҳати бузургони хонавода ин аст, ки Анӯшервон таҳсили худ дар Консерваторияи миллии Тоҷикистонро идома диҳад.

“Замоне, ки дар мактаби мусиқӣ мехонд, бо ду даст дар синтезатор ду оҳангро ҳамзамон иҷро мекард. Кам навозанда ин корро карда метавонад. Хуб, дидед, ки чӣ овоз дорад. Аммо ҳоло ҳам тасмим нагирифтааст, ки дар мусиқӣ бошад, ё ягон кори дигарро пеша кунад”, - гуфт Анвар Ғафурӣ.

"Хона холист, хонаи мо": охирон суруде, ки Баҳром Ғафурӣ натавонист пурра мунташир кунад

Баҳром Ғафурӣ, овозхони маъруфи тоҷик, рӯзи 7 августи соли равон дар синни 44 – солагӣ дар пайи як садамаи нақлиётӣ дар шаҳри Душанбе ба ҳалокат расид. Аз ӯ се писари як фарзанд боқӣ мондаанд, ки бузургтаринашон Анӯшервон аст.

Лентаи хабарҳо
0