Карим Ҳайдар ба гирифтани ҷоизаи "Шоири сол" пешбарӣ шуд

© PixabayКнига, архивное фото
Книга, архивное фото - Sputnik Тоҷикистон
Обуна шудан
Карим Ҳайдар, шоири тоҷик, ки бо забони русӣ эҷод мекунад, ба гирифтани ҷоизаи адабии “Поэ года” - “Шоири сол” барои соли 2020 пешбарӣ гардидааст

ДУШАНБЕ, 11 дек — Sputnik. Наталя Иванова, аз масъулини ҷоизаи “Шоири сол”-и Иттифоқи нависандагони Русия, бо ирсоли як мактуб Карим Ҳайдарро аз пешбарии номзадияш барои гирифтани ин ҷоизаи адабӣ огоҳ кардааст.

Писатель Абдулькасим Лахути (справа) беседует с народным акыном на I съезде писателей. Архивное фото - Sputnik Тоҷикистон
"Зани ту буд, зани ман шуд": баҳсҳо атрофи издивоҷи Лоҳутӣ ва ҳамсараш

Ба иттилои манбаъ, ҷоизаи “Шоири сол” аз ҷониби Иттифоқи нависандагони Русия таъсис дода шуда, бо дастгирии Ожонси федералии нашру иртиботи оммавӣ тақдим мегардад.

Шоири тоҷик Абдуқаҳҳор Қосим ба гирифтани ҷоизаи "Рус моя" пешбарӣ шуд

Ин пешбарӣ дар ҳолест, ки ахиран Иттифоқи нависандагони Русия Карим Ҳайдарро бо ҷоизаи "Наследие” ва медали Иттифоқи нависандагони Русия "Сергей Есенин" қадрдонӣ кард.

Бар асоси ҳолномаи расмӣ, ки Иттифоқи нависандагони Тоҷикистон нашр кардааст, Карим Ҳайдар 6 январи соли 1961 дар шаҳри Истаравшани вилояти Суғд таваллуд шуда, соли 1983 факултаи филология руси Донишгоҳи давлатии Хуҷанд ба номи Бобоҷон Ғафуровро хатм карда, аз ҳамон солҳо ба шеърнависӣ пардохтааст.

Пайкараи Муъмин Қаноат, шоири шинохтаи Тоҷикистон - Sputnik Тоҷикистон
Оромгоҳи Мӯъмин Қаноат навсозӣ ва нимпайкарааш гузошта шуд-акс

Аз соли 2006 мудири шуъбаи русии Шабакаи якуми Телевизиони Тоҷикистон ва муаллифу барандаи “Панорама”, муаллифи маҷмӯаҳои шеърии “Овози ниёкон”, “Нафаси ишқ”, “Шаҳри афсона”, “Овози виҷдони халқ”, “Ишқи оташпараст”, китобҳои публитсистии “Дар тамоми ҳаёт” ва “Комиссари ҳарбӣ” мебошад. Чанде аз мақолаву ашъори ӯ дар матбуоти кишварҳои муштаракулманофеъ интишор ёфтаанд.

Суруди миллии Тоҷикистон ва як қатор асарҳои назмиву насрии адибони тоҷикро ба забони русӣ тарҷума кардааст.

Дар ҳолномаи Карим Ҳайдар омадааст, ки ӯ муаллифи як идда филмҳову барномаҳои телевизионӣ, монанди “Штирлеси тоҷик”, “Дар тамоми умр”, “Маликушшуаро”, “Туро дӯст медорам, забони модариам!”, “Данғара – боғи ҳамешасабз”, “Илҳом”, “Симои нотакрор”, “Даъват ба ҳамкорӣ” ва ғайра мебошад. Таъкид шудааст, ки аз соли 2006 узви Итифоқи нависандагони Тоҷикистон мебошад.

Лентаи хабарҳо
0