06:38 26 феврали 2021
Пахши мустақим
  • USD11.30
  • EUR13.83
  • RUB0.15
Фарҳанг
Гирифтани линки кӯтоҳ
599 0 0

Ситоди ҷумҳуриявӣ оид ба мубориза бо COVID-19 расман эълон кард, ки ҷашни Наврӯз-2021 дар Тоҷикистон бояд чӣ гуна баргузор шавад

ДУШАНБЕ, 15 фев - Sputnik. Ситоди ҷумҳуриявӣ оид ба пешгирӣ аз паҳншавии коронавирус дар Тоҷикистон баргузории Иди байналмилалии Наврӯзро дар кишвар расман иҷозат дод, хабар медиҳад АМИТ "Ховар".

Традиционный праздничный стол на Навруз
© Официальная страница пресс-службы президента РТ в Facebook

Тибқи қарори ситод, баргузории чорабиниҳои фарҳангию варзишӣ, тантанаҳои идона дар Наврӯз иҷозат шуда, аммо намоишҳои оммавии театрӣ дар майдонҳо ҳанӯз ҳам манъ карда шудаанд.

"Сарфи назар аз он ки дар қаламрави Ҷумҳурии Тоҷикистон гирифторони бемории сироятии коронавирус  ба қайд гирифта нашуда бошанд ҳам, қоидаҳои гигиенаи шахсиву ҷамъиятӣ ва маслиҳату тавсияҳои табибону мутахассисонро қатъиян риоя кунанд",-омадааст дар қарор.

Танҳо дар чунин шароит баргузор намудани чорабиниҳо зикршуда имконпазир мегардад.

Ситод қайд мекунад, ки ҷашни бостонии Наврӯз бояд ҳамчун арҷгузорӣ ба фарҳанги ниёгон ва арзишҳои миллӣ таҷлил карда шавад.

Эълони санаи таҷлили Сада бо оташи калон дар Душанбе

Ҳамзамон, ба вазорату идораҳо, ташкилоту муассисаҳо ва мақомоти иҷроияи ҳокимияти давлатии вилоятҳо, шаҳрҳо ва ноҳияҳо тавсия дода мешавад, ки дар рӯзҳои таътили солона ба исрофкориҳо ва хароҷоти аз ҳад зиёд роҳ надиҳанд.

Ба Вазорати тандурустӣ ва Вазорати корҳои дохилии Тоҷикистон супориш дода шудааст, ки риояи қоидаҳои гигиена, бехатарӣ ва тартиботи ҷамъиятиро дар рӯзи ид таъмин кунанд.

Барчаспҳо:
вируси корона, Иди Наврӯз, Тоҷикистон

Мавзӯъҳои асосӣ