06:35 20 августи 2019
Пахши мустақим
  • USD9.70
  • EUR10.77
  • RUB0.14
Ҷон Маккейн. Акс аз бойгонӣ

Маккейн: суханҳои раҳбари хадамоти ҷосусии низомӣ хандаоваранд

© Sputnik
Амният
Гирифтани линки кӯтоҳ
13 0 0

Қаблан раҳбари бахши иктишофии вазорати дифоъ Винсент Стюарт изҳор дошта буд, ки кӯмаки низомии марговар ба Украина сареъан мунтақил шуда наметавонад

ДУШАНБЕ, 27 фев — Sputnik. Сенатори амрикоӣ Ҷон Маккейн суханони раҳбари умури иктишофии низомии ИМА мабнӣ бар он ки Иёлоти Муттаҳида барои ироъаи сареъи силоҳи марговар ба Киевро хандаовар номид, менависад хабаргузории Sputnik.

Рӯзи панҷшанбе зимни суханронӣ дар ҷаласаи кумитаи сенат дар умури таслиҳот, раҳбари умури иктишофии вазорати дифоъ Винсент Стюарт изҳор дошт, ки имкони ироъаи сареъи силоҳи марговар ба Украина, ки тавонад тавозуни нерӯҳо дар даргирӣ дар шарқи ин кишварро тағйир бидиҳад, вуҷуд надорад.

"Ин хандаовар аст. Силоҳро ба Украина фардо низ ироъа кардан мумкин аст. Барои ин амр мо ҳавопаймоҳои борбар дорем", — гуфт сенатор.

Қаблан, бархе аз маъмурияти ИМА ва коршиносон аз ироъаи силоҳ ба Украина ҷонибдорӣ карда, бархеи дигар муқобили ин амр буданд. ИМА аз Украина пуштибонии низомӣ мекунад, вале гуфта мешавад, ки ин амр "марговар" нест.

Бо ин вуҷуд, раиси ҷумҳури ФР Владимир Путин қаблан изҳор дошт, ки тибқи иттилоъи ҷониби Русия, силоҳи амрикоӣ аллакай ба Украина ворид карда мешавад. ИМА ин иддаъоро радд мекунанд.

Маскав қаблан аз тасмимоти ироъаи силоҳ ба Украина ҳушдор дода буд, ки ин амр метавонад ба ташдиди даргирӣ дар ин кишвар мунҷар шавад. Бештаре аз сиёсатмадорони Аврупо низ мухолифи ироъаи силоҳ ба Украина ҳастанд. Вазири хориҷаи Олмон Франк-Валтер Штайнмайер изҳор дошт, ки ироъаи силоҳ ба Украина амри нодуруст ва таҳдидомез мебошад.

Мавзуъ

Путин гуфт, аллакай ба Украина силоҳ медиҳанд
Мақомоти ҷудоихоҳони шарқи Украина ҷонибдори бетарафии Киев ҳастанд
Берзинш: ироъаи силоҳ ба Украина роҳи нодурусти ҳалли қазия мебошад
Раҳбарони Фаронса, Олмон ва Украина хостори сулҳ дар Донбасс мебошанд
Меркел: ихтилоф дар Украина ҳалли низомӣ надорад
Коршиносон: ИМА бояд ба Украина бештар силоҳ ворид кунанд
Барчаспҳо:
ҷанги Украина, ҳушдор, сенатор, изҳори назар, сенати ИМА, вазорати дифоъ, Винсент Стюарт, Ҷон Маккейн, Украина, ИМА

Мавзӯъҳои асосӣ