Русия барои Тоҷикистон қумандонҳо ва нишонгирони “Град”-ро омода кард

© Sputnik / Владимир Вяткин / Гузариш ба медиабонкНизоми ҳарбии "Град"
Низоми ҳарбии Град - Sputnik Тоҷикистон
Обуна шудан
Тайи се моҳ барои қувваҳои мусаллаҳи Тоҷикистон афсарони Русия мутахассисони ҳирфаии низоми реактивии “Град”-ро тайёр карданд.

ДУШАНБЕ, 6 апр — Sputnik. Афсарони пойгоҳи 201-уми Русия мустақар дар Тоҷикистон барои артиши кишвар қумандонҳо ва нишонгарони системаи реактивии "Град"-ро омода карданд, иттилоъ медиҳад РИА Новости дар такя ба хабари дафтари матбуотии Округи марказии ҳарбии ФР.

Тайи се моҳ низомиёни тоҷик тарзи дурусти ифтифодаи таҷҳизот, кор бо низоми реактивӣ, нишонгирӣ ва дуруст муайян кардани масофаву ҷойи иншоотро омӯхтанд.

Зиреҳпӯш. Акс аз бойгонӣ - Sputnik Тоҷикистон
Афсарони пойгоҳи 201 барои Тоҷикистон танкистҳоро омӯзиш медиҳанд

"Марҳилаи ниҳоӣ, ки аз тирпарронӣ дар торикии шаб иборат буд дар майдони низомии Лоҳур сурат пазируфт",- омадааст дар хабари манбаъ.

Аз аввали соли равон ба ин сӯ, афсарони Русия беш аз 350 мутахассиси ҳирфаӣ барои артиши Тоҷикистон, аз ҷумла механик-ронандаҳо, нишонгир-танзимгарони танкҳои Т-72, БТР ва БМП-ро омода кардаанд.

Таълиму омӯзиши низомиён дар чорчӯби тавофуқи ҳузури пойгоҳи низомии Русия дар қаламрави Тоҷикистон амалӣ мешавад.

Пойгоҳи 201-уми Русия бузургтарин пойгоҳи ФР дар хориҷ аз он буда, ҷузъу томҳои он дар шаҳрҳои Душанбе, Кӯлоб ва Қӯрғонтеппа мустақар мебошанд.

Лентаи хабарҳо
0