00:20 24 октябри 2019
Пахши мустақим
  • USD9.69
  • EUR10.78
  • RUB0.15
Ҷангҷӯи Давлати исломӣ дар Сурия. Акс аз бойгонӣ

ВАО: ҳалокати боз ду тоҷики ҷонибдори “ДИ”

© AP / Raqqa Media Office, File
Амният
Гирифтани линки кӯтоҳ
10 0 0

Ҷонибдорони созмони террористии “Давлати исломӣ” аз ҳалокати боз ду ҷангҷӯи тоҷики ин гурӯҳ дар шабакаҳои иҷтимоӣ иттилоъ доданд, аммо маҳал ва замони он маълум нест.

ДУШАНБЕ, 22 июн — Sputnik. Дар шабакаи иҷтимоии "Одноклассники" охири ҳафтаи гузашта хабар дода шуд, ки ду тоҷикистонӣ, ки дар суфуфи "ДИ" дар хориҷа меҷангиданд, ба ҳалокат расидаанд, менависад хабаргузории "Озодагон".

Ба иттилоъи манбаъ, ҳалокшудагон Абдуҳаким ва Абубарро Шаҳритусӣ мебошанд. Ҷузъиёти бештар, аз ҷумла замону макон ва ҳолати мушаххаси марги ин ду тоҷик ифшо нашудааст.

Ҳалокати ду тоҷики ҷонибдори "Давлати исломӣ" дар Сурия дар ҳолест, ки қаблан додситони кулли кишвар Юсуф Раҳмон аз марги ҳудуди 60 тоҷикистонии ҷонибдори ин гурӯҳ иттилоъ дода буд.

Дар маҷмӯъ, ба иттилои мақомоти қудратӣ ва амниятии ҶТ дар Сурия ва Ироқ 344 тоҷикистонии ҷонибдори "Давлати исломӣ" қарор доранд, ки бархе аз онҳо бо зану фарзандашон ба он ҷо рафтаанд.

 

Мавзуъ

Додгоҳ сокини Шаҳритусро, ки аз ҷиҳоди Сурия худдорӣ кард, озод сохт
Барчаспҳо:
даргирӣ, ҳалокати ду тоҷикистонӣ дар суфуфи ДИИШ, ҷанг дар Сурия, ДИ, Давлати исломӣ, Абубарро Шаҳритусӣ, Абдуҳаким, Ироқ, Сурия, Тоҷикистон, Шаҳритус

Мавзӯъҳои асосӣ