Афсарони рус барои артиши тоҷик 1000 мутахассис омода месозанд

© Sputnik / Сергей Гунеев / Гузариш ба медиабонкПойгоҳи низомии 201-уми ФР мустақар дар Тоҷикистон. Акс аз бойгонӣ
Пойгоҳи низомии 201-уми ФР мустақар дар Тоҷикистон. Акс аз бойгонӣ - Sputnik Тоҷикистон
Обуна шудан
Афсарони пойгоҳи низомии 201-уми Русия тамриноти назариявӣ ва амалиро барои кадрҳои Неруҳои мусаллаҳи Тоҷикистон оғоз карданд, давраи таҳсили эшон се моҳ идома хоҳад кард ва пас аз анҷоми он суфуфи артиши ҶТ бо мутахассисони хурди бахшҳои мухталиф пурра мешавад.

ДУШАНБЕ, 26 июн — Sputnik. Инструкторони низомии рус дар  пойгоҳи ҳарбии 201-и ФР барои Вазорати мудофиаи ҷумҳурии Тоҷикистон беш аз ҳазор мутахассиси хурд омода месозанд, менависад сомонаи округи ҳарбии марказии ВМ-и Русия.

Зиреҳпӯш. Акс аз бойгонӣ - Sputnik Тоҷикистон
Афсарони пойгоҳи 201 барои Тоҷикистон танкистҳоро омӯзиш медиҳанд

"Ҳамзамон, дар се тамрингоҳи низомӣ- Сумбула, Лоҳур ва Мумирак тайи се моҳ афсарони рус барои Вазорати дифоъи Тоҷикистон мутахассиони хурд аз қабили нишонгир-танзимгари танкҳои Т-72, танзимгари системаи мушакии "Град", ронанда ва танзимгарони нақлиётҳои хушкигарди БМП-2, БТР-80, сапёр ва разведчикҳоро тайёр мекунанд",- омадааст дар иттилоъия.

"То охири сол мутахассисон барои артиши тоҷик омода хоҳанд шуд".

Хизматчиёни низомие, ки имтиҳонҳои хатмро бомуваффақият месупоранд, соҳиби мадраки мутахассиси хурди Неруҳои мусаллаҳи Тоҷикистон мегарданд ва дар тамринотҳои муштарак ширкат хоҳанд кард.

Лентаи хабарҳо
0