Пограничник на смотровой вышке на границе Кыргызстана. Архивное фото - Sputnik Тоҷикистон
Вазъ дар марзи Тоҷикистону Қирғизистон
Хабарҳои бештар аз танишу созишҳои марзӣ миёни Тоҷикистону Қирғизистон

Расонаҳо: дар даргирии марзӣ бо Тоҷикистон аз аслиҳа истифода шудааст

© Flickr \ Samuel JohnsonСилоҳи Калашников. Акс аз бойгонӣ
Силоҳи Калашников. Акс аз бойгонӣ - Sputnik Тоҷикистон
Обуна шудан
Идораи давлатии марзбонии Қирғизистон вазъ дар манотиқи марзӣ бо Точикистонро печида унвон кардааст. Расонаҳо аз як мавриди тирпарронӣ ва ташаннуҷи авзоъ дар маҳалли даргирӣ хабар медиҳанд.

ДУШАНБЕ, 4 авг — Sputnik. Тирпарронии ҷудогона дар маҳалли даргирӣ дар манотиқи марзии миёни Қирғизистону Тоҷикистон 4 август рух дод, хабар медиҳанд расонаҳои ҳар ду кишвар.

Дар бораи ин ки аз сӯйи кадоме аз ин ду ҷониб тирпарронӣ сурат гирифтааст иттилоъи зиддунақиз мерасанд.

Sputnik Қирғизистон бо истинод ба бахши равобит бо ҷомеъа ва расонаҳои Идораи давлатии марзбонии ҶҚ хабар медиҳад, ки сарҳадбонони қирғиз аз аслиҳа дар маҳалли даргирии миёни сокинони Тоҷикистон ва Қирғизистон истифода накардаанд.

Рустои Чоркӯҳ. Акс аз бойгонӣ - Sputnik Тоҷикистон
Дар пайи муноқиша дар марз бо Қирғизистон 7 атбоъи тоҷик осеб диданд

"Тибқи иттилоъи муқаддамотӣ дар қаламрави Тоҷикистон як тирпарронии ҷудогона аз аслиҳа сурат гирифтааст. Аз ҷониби Қирғизистон дар пайи ин тирпарронӣ касе осеб надидааст. То соати 14:25 рӯзи 4 августи соли 2015 вазъият дар маҳалли Майская печида арзёбӣ мешавад", — иқтибос овардааст пойгоҳи хабарӣ аз баёнияи Идораи марзбонии Қирғизистон.

Дар ҳамин ҳол, хабаргузории "Азия-Плюс" менависад, дар манотиқи марзии миёни Тоҷикистону Қирғизистон рӯзи дуввум аст, ки миёни сокинони манотиқи ҳаммарз муноқиша идома ёфта чанд дақиқа қабл атбоъи тоҷик тавассути аслиҳа тирборон шудаанд.

Манбаъи ин хабаргузорӣ дар шаҳрдории Исфара, ки аз бурдани номаш худдорӣ шудааст, гуфтааст, ки дар пайи ин тирпарронӣ ду шаҳрванди Тоҷикистон ҷароҳат бардоштаанд. Гузашта аз ин, чанд манзили маскунии сокинони рустои Сомониёни Тоҷикистон аз сӯйи атбоъи қирғиз оташ зада шудаанд.

Ба иттилоъи хабаргузории "24.kg" вазъият дар марз ташаннуҷ меёбад, ҷонибҳо ҳамдигарро сангборон карда, қасди тарки маҳалли даргириро надоранд.

Бо истинод ба ниҳодҳои интизомӣ гуфта мешавад, ки дар маҳалли Майская, ки дар он ҷо борҳо миёни сокинони ҶҚ ва ҶТ даргириҳо рух додаанд, ҳудуди 500 нафар гирдиҳам омадаанд. Дар робита ба ҷониби Тоҷикистон CA-News иттилоъ медиҳад, ки дар манотиқи наздисарҳадӣ 300 нафар атбоъи ин кишвар таҷаммӯъ кардаанд.

Лентаи хабарҳо
0