ДУШАНБЕ, 25 апр — Sputnik. Неруҳои мусаллаҳи Афғонистон ҳамлаи ҷангиёни ҳаракати радикалии "Толибон"-ро дар пойгоҳи низомӣ дар вилояти Фараҳи қисми ғарбии кишвар зада баргардонидан, ки дар натиҷа 20 ҷангии созмони тундрав кушта шуд, иттилоъ медиҳад РИА Новости бо истинод ба хабаргузории Khaama Press.
Бино ба иттилоъи вазорати мудофиаи Афғонистон ҳамла бо дастгирии нерӯҳои ҳарбӣ-ҳавоии (НҲҲ) кишвар пахш карда шуд. Ҳамчунин маълумот дода мешавад, ки ҳамгоми бархӯрд на камтар аз 16 террорист захмӣ гардиданд. Дар бораи теъдоди маҷрӯҳон аз миёни неруҳои ҳукуматӣ хабар дода намешавад.
Авзоъи Афғонистон тайи моҳҳои охир ба таври куллӣ ноором шудаст. Ҳаракати радикалии "Толибон", ки қаблан қисми зиёди минтақаҳои аҳолинишинро ғасб карда буд, акнун ба шаҳрҳои бузург ҳуҷум мекунанд. Инчунин, дар ҳудуди ин кишвар таъсири гурӯҳи ҷиноии "Давлати исломӣ" (мамнӯъ дар Тоҷикистон) зиёд шудааст.
