Мулоқоти Эмомалӣ Раҳмон бо Николай Бордюжа дар Душанбе

© Flickr \ Официальная страница пресс-службы Президента РТМулоқоти президенти ҶТ Эмомалӣ Раҳмон бо дабири кулли СПАД Николай Бордюжа. Акс аз бойгонӣ
Мулоқоти президенти ҶТ Эмомалӣ Раҳмон бо дабири кулли СПАД Николай Бордюжа. Акс аз бойгонӣ - Sputnik Тоҷикистон
Обуна шудан
Имрӯз президенти Ҷумҳурии Тоҷикистон Эмомалӣ Раҳмон Дабири кулли Созмони Аҳдномаи амнияти дастаҷамъӣ Николай Бордюжаро ба ҳузур пазируфт.

ДУШАНБЕ, 29 сен — Sputnik. Зимни вохӯрӣ таваҷҷуҳи асосӣ ба вазъи сарҳади давлатии Ҷумҳурии Тоҷикистон бо Ҷумҳурии исломии Афғонистон ва тақвияти ҳамкорӣ дар таҳкими иқтидору имконоти нерӯҳои марзбонии Тоҷикистон зоҳир гардид, иттилоъ медиҳад хадамоти матбуои президенти ҶТ.

Дабири кулли СПАД Николай Бордюжа. Акс аз богйонӣ - Sputnik Тоҷикистон
Николай Бордюжа бо президенти ҶТ Эмомалӣ Раҳмон вомехӯрад

Дар мулоқот масоили марбут ба иҷрои қарорҳои қаблии дар Шӯрои амнияти дастаҷамъӣ қабулшуда, омодагӣ ба ҷаласаи навбатии Шӯрои Сарони давлатҳои аъзои созмон ва авзои кунунии кишаварҳои доираи Созмони Аҳдномаи амнияти дастаҷамъӣ мавриди баррасӣ қарор дода шуд.

Тавре таъкид гардид, Тоҷикистон ҷонибдори таҳкими иқтидору имконоти Созмони Аҳдномаи амнияти дастаҷамъӣ дар самтҳои ояндадор буда ба иштироки худ дар фаъолияти созмон аҳамияти аввалиндараҷа зоҳир менамояд.

"Ҷонибҳо ба таври муфассал доир ба ҳамдастии муштарак бар зиди терроризми байналмилалӣ, экстремизми динӣ, гардиши ғайриқонунии маводи нашъадор ва силоҳ, муҳоҷирати ғайриқонунӣ ва дигар зуҳуроти номатлуб, ки ба амнияту суботи минтақа хатари ҷиддӣ доранд табодули афкор намуданд",-гуфта мешавад дар хабарнома.

Манбаъ менависад, ки бо изҳори нигаронӣ аз хатари афзоиши фаъолияти созмонҳои террористию экстремистӣ ва паҳншавии идеалогияи бегона дар минтақа ҳар ду ҷониб тақвияти ҳамдастии густурдаро дар мубориза бар зидди ин хатарҳо амали муҳим ва саривақтӣ арзёбӣ карданд.

Нуқтаи назоратӣ дар сарҳади Тоҷикистон. Акс аз бойгонӣ - Sputnik Тоҷикистон
Қароргоҳҳои сарҳадбонӣ дар ҶТ: меваи густариши иқтисодии Чин

Дар баробари ин хабар дода мешавад, ки зимни баррасии масоили амнияту бехатарӣ дар қисмати ҷануби қаламрави созмон таваҷҷуҳи асосӣ ба вазъи сарҳади давлатии Ҷумҳурии Тоҷикистон бо Ҷумҳурии исломии Афғонистон ва тақвияти ҳамкорӣ дар таҳкими иқтидору имконоти нерӯҳои марзбонии Тоҷикистон зоҳир гардид.

Дар анҷоми вохӯрӣ изҳори боварӣ карда шуд, ки дар оянда ҳамдастии фаъоли давлатҳои аъзои созмон дар мубориза алайҳи ҳама гуна хатару таҳдидҳои ҷаҳони муосир дар нигоҳ доштани фазои эътидолу субот ва таҳкими амнияту бехатарии минтақа нақши муассир мегузорад.

Лентаи хабарҳо
0