23:53 06 декабри 2019
Пахши мустақим
  • USD9.68
  • EUR10.74
  • RUB0.15
Марзбонони тоҷик. Акс аз бойгонӣ

Фармондеҳи марзбонони Тоҷикистон аз авзоъ дар марз бо Афғонистон нигарон аст

© Sputnik / Хушнуд Рахматуллаев
Амният
Гирифтани линки кӯтоҳ
30001

Тамаркузи ҷангҷӯёни гурӯҳҳои теруристӣ дар наздикии марзи Афғонистон бо Тоҷикистон нигаронкунанда аст

ДУШАНБЕ, 29 май — Sputnik. Авзоъ дар марзи Тоҷикистон бо Афғонистон ҳамоно муташанниҷ аст, гуфт фармондеҳи Нерӯҳои марзбонии Кумитаи давлатии амнияти миллӣ Раҷабалӣ Раҳмоналӣ.

"Ҷобаҷо шудани конунҳои фаъолияти теруристӣ аз вилоятҳои ҷанубии Афғонистон — Ҳилманд, Кандаҳор, Фараҳ, Пактиё ва Хӯст ба манотиқи ороми шимолӣ мушоҳида мешавад. Аз ҷумла авзоъи сиёсиву низомии вилоятҳои ҳаммарз бо Тоҷикистон — Кундуз, Тахор ва Бадахшон ҳамоно муташанниҷ аст", — гуфт Раҳмоналӣ.

Вай ҳамчунин гуфт, дар паи муборизаи фаъоли нерӯҳои давлатии Афғонистон бо ҷангҷӯёни гурӯҳҳои теруристии "Толибон", "Давлати исломӣ", "Ҳаракати исломии Туркистон", "Ҷамоати Ансоруллоҳ", "ал-Қоида" ва дигар гурӯҳҳое, ки фаъолияташон дар Тоҷикистон мамнуъ аст, авзоъ дар он кишвар ҳамчунон печидаву пешбининопазир аст.

"Яке аз таҳдидҳои асосӣ дар марзи Тоҷикистону Афғонистон афзоиши қочоқи маводи мухаддир аст, ки даромад аз фурӯши он мавод яке аз манбаъҳои аслии даромади гурӯҳҳои теруристӣ дар ҳудуди Афғонистон ба ҳисоб меравад", — таъкид кард фармондеҳи Нерӯҳои марзбонии ҶТ.

Вай ҳамчунин ёдоварӣ кард, ки аз аввали сол то кунун марзбонони тоҷик 32 мавриди марзшиканиро сабт карда, 11 бор бо қочоқчиёни маводи мухаддир мусаллаҳона даргир шудаанд, ки дар натиҷа 8 тан аз онҳо нобуд ва 5 кас боздошт шуда, беш аз 340 килуграм маводи мухаддир, 130 ҷангафзор аз онҳо ситонда шудааст.

Авзоъи Афғонистон дар моҳҳои ахир куллан рӯ ба бадтар шудан ниҳодааст. Гурӯҳи "Толибон", ки пештар бахше бузург аҳ минтақаҳои рустоиро гирифта, акнун ба шаҳрҳои бузург ҳамла мекунад. Ҳамчунин, созмони теруристии "Давлати исломӣ" нуфузашро дар қаламрави ин кишвар густариш додааст.

Ёдоварӣ мекунем, ки 28 май дар Тоҷикистон чун солгарди бунёди Нерӯҳои марзбонӣ ҷашн гирифта мешавад.

Мавзуъ

Мусобиқаи варзишӣ бахшида ба Рӯзи ваҳдати миллӣ дар Афғонистон
Эмомалӣ Раҳмон бо раиси Раёсати амнияти миллии Афғонистон мулоқот кард
Нерӯҳои амниятии Афғонистон Қалъаи Золро аз Толибон озод карданд
Раҳбари Иттилоъоти миллии Амрико: Толибон имсол дар Афғонистон пирӯз хоҳанд шуд
Артиши Афғонистон ду вулусволии ҳаммарз бо Тоҷикистонро аз Толибон озод кард
Барчаспҳо:
мубориза бо теруризм, нигаронӣ, марз, таҳдид, Сарраёсати қушунҳои сарҳадии КДАМ, Раҷабалӣ Раҳмоналӣ, Афғонистон, Тоҷикистон

Мавзӯъҳои асосӣ