18:58 15 октябри 2019
Пахши мустақим
  • USD9.69
  • EUR10.67
  • RUB0.15
Олег Сиромолотов, акс аз бойгонӣ

Дипломати Русия дар Душанбе: 10 000 ҷангҷӯи омодаи убури марз дар Афғонистон ҷамъ шудаанд

© Sputnik / Максим Блинов
Амният
Гирифтани линки кӯтоҳ
1121 0 0

Вазорати умури хориҷии Русия мегӯяд, дар қаламрави Афғонистон 8 пойгоҳи террористии русзабон фаъолият доранд, ки таҳдид ба амнияти Осиёи Миёна мебошанд

ДУШАНБЕ, 17 май — Sputnik. Олег Сиромолотов, ноиби вазири умури хориҷии Русия мегӯяд, вазъи навоҳии ҳаммарз бо Тоҷикистон дар Афғонистон мояи нигаронист.

“Вазъ дар марзи Тоҷикистону Афғонистон феълан мояи нигаронист, чун дар он ҷо ҳудуди 10 ҳазор ҷангҷӯи омодаи убури марз ҷамъ омадаанд”, - изҳор дошт Сиромолотов дар ҳошияи конфронси мубориза бо терроризм дар Душанбе.

Мақомдори Русия инчунин таъкид кардааст, ки ҳаракати “Толибон” (созмони террористии мамнуъ дар Тоҷикистон ва Русия - идора) тамоми афғонҳоро даъват намуд, ки алайҳи “ДОИШ” дар ин кишвар мубориза баранд.  

Ба гуфтаи дипломати Русия ҳузури 8 пойгоҳи русзабони террористӣ дар қаламрави Афғонистон, ки зодагони Осиёи Марказиро дар бар мегиранд, барои минтақа таҳдидовар мебошанд.

Сиромолотов инчунин вобастагии зичи терроризм ва гардиши маводи мухадирро дар Афғонистон таъкид кардааст. Ӯ изҳор доштааст, ки тавлиди мухаддирот дар Афғонистон ва даромад аз он таҳти назорати гуруҳҳои террористӣ қарор дорад.

Феълан дар Душанбе Конфронси байналмилалӣ таҳти унвони “Ҳамкории байналмилалӣ ва минтақавӣ дар мубориза бо терроризм ва манбаъҳои маблағгузории он, аз ҷумла гардиши ғайриқонунии маводи мухаддир ва ҷиноятҳои муташаккил” бо иштирокдорони мақомдорони кишварҳои минтақа ва созмонҳои байналмилалӣ ҷараён дорад.

Мавзӯъҳои асосӣ