22:50 23 августи 2019
Пахши мустақим
  • USD9.68
  • EUR10.72
  • RUB0.15
Зиндон, акс аз бойгонӣ

Муқова дигару дохил дигар: ҷамъоварии китобу фиттаҳо аз зиндонҳои Тоҷикистон баъди ошӯбҳо

© Sputnik / Табылды Кадырбеков
Амният
Гирифтани линки кӯтоҳ
464 0 0

Маркази исломшиносии Тоҷикистон 576 китоб, 47 фитаву сабт, 173 саҳифаи дастнависеро, ки аз ибодатгоҳҳои муассисаи ислоҳии ЯС 3/1 – и Сарраёсати иҷрои ҷазои вазорати адлияи Ҷумҳурии Тоҷикистон дарёфт шуданд, мавриди омӯзиш қарор додааст

ДУШАНБЕ, 1 авг — Sputnik. Файзулло Баротзода, раиси Маркази исломшиносии назди президенти Тоҷикистон зимни нишасти матбуотӣ гуфт, ин мавод дар пайи ҳодисаҳои нохуш аз зиндонҳои Хуҷанду Ваҳдат ба даст омадаанд.

“Мо мӯҳтавои онҳоро омӯхта, хулосаҳои худро пешниҳод намудем. Дар иртибот бо фаъолиятҳои номатлубе, ки дар дохили маҳбасхонаҳои мо вуҷуд дорад, мо бо иттифоқи вазорати адлия, Прокуратураи генералӣ ва Кумитаи давлатии амнияти миллӣ як идда тадобири густардаро рӯи даст гирифтем, ки дар ҳоли ҳозир онҳоро ба далели махфӣ будан наметавонем фош кунем ва аз ин зиёд чизе ҳам гуфта наметавонем”, - изҳор дошт .

Вақте рӯзноманигорон аз раиси Маркази исломшиносии Тоҷикистон тавзеҳоти бештар хостанд, вай гуфт, аксари ин китобҳо бо иҷозати расмӣ дар чопхонаҳои кишвар нашр шудаанд, вале дар дохили ин китобҳо матнҳое хатарнок барои амнияти мардуму кишвар ширеш ва насб шудаанд.

“Муқова дигар асту дар дохилаш китоби дигар ширеш шудааст. Мазмун бо номи китоб мувофиқат намекунад. Аммо аксари онҳо китобҳои бо иҷозаи расмӣ чопшуда буданд, ки мо баргардондем. Сирри тафтишотӣ аст. Ҷамъбаст, ки шуд, албатта, тавзеҳоташро ба ҷомиа пешниҳод мекунем” – афзуд Файзулло Баротзода.

Бино ба иттилои Маркази исломшиносии Тоҷикистон, дар шаш моҳи соли равон вазорату кумитаҳо ва дигар муассисаҳои давлатӣ 127 фита, 413 саҳифаҳои интернетии дорои матну аксҳои гуногун, 1 планшет, 4 телефони мобилӣ, 13 хотираи беруна – “флешка”, 3 диски сахт пешниҳод гардид, ки кормандони Марказ ба ҳамаи онҳо хулосаҳои коршиносии худро ирсол намудаанд.

Ҷамъоварию ташхиси китобҳо аз маҳбасҳои Тоҷикистон дар ҳолест, ки тайи моҳҳои охир дар зиндонҳои кишвар ду ошӯб сар зад, ки даҳҳо кушта барҷой гузошт.

Мавзӯъҳои асосӣ

  • Озода Раҳмон, роҳбари дастгоҳи раисиҷумҳури Тоҷикистон, акс аз бойгонӣ

    Палатаи болоии парлумони Тоҷикистон хабар дод, ки Озода Раҳмон, раиси Кумитаи Маҷлиси миллӣ дар бахши таъмини асосҳои конститутсионӣ, ҳуқуқу озодиҳои инсон, шаҳрванд ва қонуният бо пешниҳоди Шӯрои Маҷлиси мазкур, мақоми ҷадид гирифтааст

    2988
  • Мулоқоти раисҷумҳури Русия Владимир Путин бо президенти Тоҷикистон Эмомалӣ Раҳмон

    Раисҷумҳури Русия унвонии президенти Тоҷикистон Эмомалӣ Раҳмон даъватнома барои иштирок дар 75 - умин солгарди ғалаба дар Ҷанги Бузурги Ватанӣ ирсол намудаст.

    645
  • Мошини БДА

    Додгоҳи ноҳияи Шаҳринав кашмакаши як ронандаи солхӯрда бо нозири роҳро, ки навори он ба интернет роҳ ёфта буд, баррасӣ карда, ронандаро ба андозаи беш аз 38 ҳазор сомонӣ ҷарима баст

    536