Нахустин сафари расмии вазири дифои Узбакистон ба Тоҷикистон

© Пресс-служба президента УзбекистанаПарк имени Низомиддина Алишера Навои в Душанбе
Парк имени Низомиддина Алишера Навои в Душанбе - Sputnik Тоҷикистон
Обуна шудан
Вазири мудофиаи Узбакистон барои бори нахуст дар 27 соли охир бо сафари расмӣ рӯзи 25 сентябри соли равон аз Тоҷикистон боздид кард

ДУШАНБЕ, 26 сен — Sputnik. Баҳодур Қурбонов, вазири мудофиаи Узбакистон дар садри як ҳайат бо сафари расмӣ аз Тоҷикистон боздид кард, хабар додааст "Ховар" аз қавли Ориф Низомиён, сухангӯи Вазорати мудофиаи Тоҷикистон.

Министр обороны РФ Сергей Шойгу на полигоне Донгуз - Sputnik Тоҷикистон
Шойгу ба низомиёни Тоҷикистон медал тақдим кард

Ба иттилои манбаъ, Қурбоновро зимни ин сафар вазири мудофиаи Тоҷикистон  Шералӣ Мирзо ҳамроҳӣ карда, вазирони ду кишвар аз факултаи ҳавопаймоии Донишкадаи ҳарбии Вазорати мудофиа дидан намуданд.

Зикр гардидааст, ки Донишкадаи ҳарбии Вазорати мудофиа соли 2004-ум таъсис ёфта, дар ҳайати он ду кафедра ва ротаи шашуми таълимии курсантӣ амал мекунанд.

“Дар ин факултет, ки таълим аз рӯи ҳафт ихтисос ба роҳ монда шудааст, асосан мутахассисони соҳаи авиатсияи ҳарбӣ омода карда мешаванд”, - омадааст дар иттилоия.

Вазирону раисони кумитаҳои Тоҷикистон тирпарронӣ карданд

Ҳамчунин вазири мудофиаи Узбакистон зимни сафари якрӯзаи худ, аз Боғи фарҳангӣ-фароғатии Алишер Навоӣ ва Осорхонаи миллии Тоҷикистон дидан намуд.

Манбаъ зикр намудааст, ки тӯли солҳои соҳибистиқлолӣ бори нахуст соли гузашта дар вилояти Суғд амалиёти ҳарбию техникии Тоҷикистону Узбакистон гузаронида шуда, имсол амалиёти ҳарбию техникӣ ва машқҳои низомӣ дар Узбакистон гузаронида мешаванд.

Лентаи хабарҳо
0