01:11 23 ноябри 2019
Пахши мустақим
  • USD9.69
  • EUR10.75
  • RUB0.15
Шоҳрух Саидзода, сардори Раёсати кофтукоби ҷиноии ВУД Тоҷикистон, акс аз бойгонӣ

"Шогирд”-и Шоҳрух Саидзода ва 2 корманди амният “беҳтарин” эълон шуданд

© Sputnik / Амир Исаев
Амният
Гирифтани линки кӯтоҳ
825700

Капитан Авазшо Саидов, ваколатдори калони оперативии Раёсати кофтукоби ҷиноятии ВУД Тоҷикистон, ки роҳбарии онро Шоҳрух Саидзода ба уҳда дорад, “Корманди беҳтарини оперативӣ” дониста шуд

ДУШАНБЕ, 6 окт - Sputnik. Тибқи иттилои ВУД Тоҷикистон, ба муносибати Рӯзи касбии кормандони оперативӣ, ки ҳамасола 5-уми октябр таҷлил карда мешавад, озмуни “Фаъолияти оперативӣ-ҷустуҷӯӣ” миёни кормандони мақомот баргузор шуд.

“Дар ин озмун 16 корманд аз мақомоти амалкунандаи фаъолияти оперативӣ-ҷустуҷӯӣ дар 3 давр иштирок намуданд. Дар натиҷаи ҷамъбасти холҳо, доварони озмун ба хулосае омаданд, ки 3 иштирокчӣ ғолиби озмун ҳисобида шавад”, - омадааст дар иттилоия.

Манбаъ тавзеҳ дод, ки ваколатдори калони оперативии Раёсати кофтукоби ҷиноии ВУД, капитани милитсия Авазшо Саидов ва кормандони Кумитаи давлатии амнияти миллӣ - капитани адлия М.Ҳамдамов ва лейтенанти хурди адлия Беҳрӯз Воситов, ғолиб эълон шуда, бо медалҳои сарисинагии “Корманди беҳтарини оперативӣ” ва туҳфаҳои пулӣ сарфароз гардонида шуданд.

Шоҳрух Саидзода барои овардани Хӯҷа-Командир ба Дубай рафт

Манбаъ афзуд, ки ба иштирокчиёни фаъоли ин озмун барои хизматҳои софдилона, содиқона зоҳир намудани дониши баланди назариявӣ-амалӣ дар самти фаъолияти оперативӣ-ҷустуҷӯӣ, васеъ намудани ҷаҳонбинӣ раҳматномаҳо аз номи вазири умури дохилӣ супорида шуд.

Барчаспҳо:
Беҳтарин корманди оперативӣ, беҳтарин, озмун, ВУД ҶТ, Тоҷикистон

Мавзӯъҳои асосӣ