17:11 21 феврали 2020
Пахши мустақим
  • USD9.69
  • EUR10.46
  • RUB0.15
Иқтисод
Гирифтани линки кӯтоҳ
39 0 0

Театри миллӣ бояд дар муддати панҷ соли оянда ва бо маблағи 680 миллион сомонӣ бунёд шавад ва қарор аст дар сохмони он 1000 коргар ширкат кунанд.

ДУШАНБЕ, 8 апр — Sputnik. Маҷлиси намояндагони Тоҷикистон дар ҷаласаи рӯзи чоршанбеи худ бо ворид кардани тағйиру иловаҳо ба будҷаи давлаии соли 2015, фармоишгар ва пудратчии асосии сохтмони "Театри миллӣ"-ро аз андози арзиши иловашуда, роҳҳои истифодабарии автомобилҳо ва андоз аз фоида озод кард, менависад сайти палатаи поёнии парлумон.

Ҳамчунин барои ворид кардани масолеҳи сохтмонӣ барои бунёди ин иншоот, пудратчӣ аз боҷи гумрукӣ озод карда шудааст.

Зимнан,Ҷамолиддин Нуралиев, муовини аввали вазири иқтисоди Тоҷикистон дар ин ҷаласа гуфт, ки фармоишгар ва пудратчии асосӣ аз тарафи ҳукумати кишвар таъйин шудааст ва он Дирексияи сохтмони назди дастгоҳи президент ва ҶСП "Сирдарё" мебошанд.

"Ин иншоот бояд дар муддати панҷ соли оянда ва бо маблағи 680 миллион сомонӣ бунёд шавад ва қарор аст дар сохмони он 1000 коргар ширкат кунанд",- иброз дошт оқои Нуралиев.

 Маросими гузоштани санги асоси ин театр моҳи гузашта бо ширкати раиси ҷумҳури Тоҷикистон баргузор шуда буд. "Театри миллӣ" дар шафати Осорхонаи миллии Тоҷикистон ва Китобхонаи миллӣ бунёд мешавад.

Барчаспҳо:
бо маблағи 680 миллион сомонӣ сохта мешавад, аз андоз озод гардид, санги асос, сохтмони бузургтарин театр, муовини аввали вазири молия, Театри миллии Тоҷикистон, Ҷамолиддин Нуралиев, Душанбе, Тоҷикистон

Мавзӯъҳои асосӣ