04:42 23 июли 2018
Пахши мустақим
  • USD9.42
  • EUR10.93
  • RUB0.15
Дар бозоре дар Тоҷикистон

Мизони тавлидоти нохолиси миллӣ дар Хатлон баробари 333,4 сомонӣ аст

© Sputnik / Р. Мангасарян
Иқтисод
Гирифтани линки кӯтоҳ
2 0 0

Муъовини нахуствазири Тоҷикистон ба мақомоти вилояти Хатлон дастур дод, ки мизони тавлидоти нохолиси миллӣ бар сари ҳар як аҳолиро аз ҳисоби таъсиси корхонаҳои ҷадид ва афзоиши зарфияти тавлидотӣ боло бубаранд.

ДУШАНБЕ, 11 мая — Sputnik. Саҳми вилояти Хатлон дар мизони тавлидоти нохолиси миллии Тоҷикистон дар семоҳаи аввал баробари 1,6 миллиард сомонӣ ё 25% асту ба сари ҳар як аҳолии вилоят 333,4 сомонӣ ё $53 доллар мебошад, менависад хабаргузории "Ховар".

Муъовини нахуствазири Тоҷикистон Азим Иброҳим зимни боздид аз вилояти Хатлон ба сатҳи пойини мизони тавлидоти нохолиси миллӣ ба сари ҳар як аҳолӣ таъкид кард.

Дар тавлидоти нохолиси миллии кишвар саҳми вилояти Хатлон 25% ё 1 миллиарду 695,9 миллион сомонӣ мебошад, ки аз он 984,5 миллион сомонӣ тавлидоти санъатӣ ва 711,4 миллион сомонӣ тавлидоти кишоварзӣ аст.

"Дар се моҳи аввали соли ҷорӣ мизони тавлидоти нохолиси миллӣ дар вилояти Хатлон 333,4 сомонӣ аст, ки ин нишондод паст аст ва ин мушкил бояд зуд ҳал шавад. Ба вижа, ки ин амрро аз роҳи таъсиси корхонаҳои ҷадид ва афзоиши зарфияти тавлидотӣ ба даст овардан мумкин мебошад", — омадааст дар хабар.

Азим Иброҳим изҳор дошт, ки барои тавсеъаи арсаҳои мухталифи кишвар аз Сандуқи пуштибонии тиҷорат дар соли 2014 ба маблағи 63 миллион сомонӣ қарзҳои имтиёзнок ҷудо шуда буданд ва дар соли 2015 ин рақам 70 миллион сомонӣ хоҳад шуд. Интизор меравад, ки дар ҳафтсолаи ояндаи пуштибонии тиҷорати кӯчаку муттавасит то 1 миллиард сомонӣ афзоиш меёбад.

Ба ҷуз аз ин, мушкили аслии арсаи кишоварзии Тоҷикистон адами сардхонаҳо мебошад, ки ба талафоти ҳосили кишоварзӣ сабаб шуда боъиси хисороти бузурги молӣ мешавад.

Бо таваҷҷӯҳ ба таҷрибаи ҷаҳонӣ, муъовини нахуствазир зикр кард, ки кишоварзони тоҷикро зарур аст барои ҷалби маболиғ ва таъсиси шароити нигаҳдории тавлидоти кишоварзӣ иқдом карда ва ҳамзамон барои афзоиши содироти мева ва сабзавоти тоза ба хориҷ аз кишвар талош бикунанд.

Мавзуъ

БМТ рушди андаки иқтисод дар оғози соли 2015-ро зикр кард
БРА: суръати рушди иқтисод дар Тоҷикистон камтар мешавад
Барчаспҳо:
нигаронӣ аз рушди андаки иқтисодӣ дар Хатлон, муъовини нахуствазири Тоҷикистон, Азим Иброҳим, Хатлон, Тоҷикистон

Мавзӯъҳои асосӣ