14:07 16 июли 2019
Пахши мустақим
  • USD9.44
  • EUR10.64
  • RUB0.15
Бонки миллии Тоҷикистон. Акс аз бойгонӣ

Пешниҳоди Қатар ба Тоҷикистон: таъсиси бонки муштарак бо $500 миллион

© Sputnik
Иқтисод
Гирифтани линки кӯтоҳ
30 0 0

Кишварҳои арабӣ омода ҳастанд ба Тоҷикистон дар роҳандозии бонкдории исломӣ мусоъидат кунанд ва дар ин гуна муъассисот қарзҳо бидуни суд ва ба шакли сармоягузорӣ ироъа мешаванд ва ҳар ду ҷониб хатароти молиро бо ҳам мебинанд.

ДУШАНБЕ, 24 июл — Sputnik. Роҳандозии амалии бонкдории исломӣ дар Тоҷикистон дар дидори муъовини аввали раиси БМТ Ҷамолиддин Нуралиев бо Дабири кулли Анҷумани ҷаҳонии уламои исломӣ Алӣ Муҳиддин ал-Қарадоғӣ матраҳ шудааст, хабар медиҳад сомонаи БМТ.

Кишварҳои арабӣ омода ҳастанд Тоҷикистонро дар роҳандозии бонкдории исломӣ пуштибонӣ кунанд, зикр кард дар ҷараёни дидор ал-Қарадоғӣ.

"Шароите вуҷуд дорад, ки бонки исломӣ бо ҳазинаи аз 100 то 500 миллион долларӣ бо мушорикати сармоягузорони Тоҷикистон ва Қатар таъсис дода шавад. Мо дар ин замина омода ҳастем шуморо пуштибонӣ кунем ва шуморо барои баррасии ҷузъиёти ин тарҳ ба Қатар даъват мекунем", — гуфт вай.

Ҳамчунин ал-Қарадоғӣ зикр кард, ки бонкҳои исломӣ ва ширкатҳои бима омода ҳастанд дар Тоҷикистон намояндагиҳои худро фаъол созанд.
Хабар дода мешавад, ки ҷонибҳо ҳамчунин пешниҳод доштанд, ки бонки минтақавии сармоягузорие таъсис дода шавад, ки аз хадамоти он бонкҳои дигар истифода карда тавонанд.

Қонуни "Бонкдории исломӣ" дар Тоҷикистон беш аз як соли қабл тасвиб шуда буд ва навҳаи аслии фаъолияти он ироъа қарзҳо бо суд, ки хоси муъассисоти маъмулии бонкӣ мебошад, набуда ҳадафи сармоягузории тарҳиро дорад. Ба ин тартиб қардиҳанда бархе аз хатароти молии тарҳҳои сармоягузориро бар зиммаи худ мегирад.

Мавзуъ

Раиси БМТ: амалиёти номунсифона ба “уфти” 20%-и қурби сомонӣ боъис шуд
Раҳбари БМТ: мо ба қарзи $500 миллионии Чин ниёз дорем
Барчаспҳо:
Қатар дар Тоҷикистон бонки исломӣ таъсис медиҳад, бонкҳои исломӣ, баррасии таъсиси бонки муштарак, БМТ, Алӣ Муҳиддин ал-Қарадоғӣ, Ҷамолиддин Нуралиев, Қатар, Тоҷикистон

Мавзӯъҳои асосӣ