Коҳиши воридоти мол ба Тоҷикистон. Дар ҳаҷми 10,7%

© Sputnik / Амир Исаев / Гузариш ба медиабонкБозори Шоҳмансур дар Душанбе. Акс аз бойгонӣ
Бозори Шоҳмансур дар Душанбе. Акс аз бойгонӣ - Sputnik Тоҷикистон
Обуна шудан
Тайи панҷ моҳи аввали соли равон шарикони асосии тиҷоратии Тоҷикисто кишварҳои Чин, Русия, Қазоқистон ва Туркия маҳсуб шуданд.

ДУШАНБЕ, 17 май — Sputnik. Давоми моҳҳои январ-апрели соли равон Тоҷикистон бо 97 кишвари дунё табодули молӣ анҷом додааст.

Шарикони асосии тиҷоратии Тоҷикистон дар ин давра Чин (298 млн. $), Русия (287 млн. $), Қазоқистон (192 млн. $) ва Туркия (105 млн. $) дониста шудаанд.

Тайи чаҳор моҳи соли равон ҳаҷми муомилоти моли хориҷии Тоҷикистон беш аз 1 млрд. 185 млн. доллари ИМА-ро ташкил дод, ки дар қиёс ба ҳамин давраи соли 2015 ҳудуди 10,2% ё худ 135 млн. доллар камтар аст.

Ба иттилоъи расмӣ тавозуни савдо дар ин давра манфӣ буда, 656 млн. доллари ИМА-ро дар бар мегирад.

Ҳаҷми содироти мол давоми 4 моҳи аввали соли ҷорӣ 265 млн. доллари ИМА-ро ташкил додааст, ки дар муқоиса бо ҳамин давраи соли 2015 ба миқдори 24,4 млн. доллари ИМА ё худ 8,4% камтар аст. Аз ҷумла ҳаҷми содироти пахта нисбат ба соли гузашта қариб 25% коҳиш ёфтааст.

Ҳаҷми воридоти мол дар ин давра ба 920 млн. доллари ИМА баробар шудааст, ки нисбат ба 4 моҳи аввали соли гузашта ба андозаи 10,7% ё худ 110 млн. долллари ИМА камтар мебошад

Лентаи хабарҳо
0