20:13 23 октябри 2019
Пахши мустақим
  • USD9.69
  • EUR10.78
  • RUB0.15
Первый Зампред Нацбанка РТ Джамолиддин Нуралиев, архивное фото

БМТ пулҳои яксомонӣ, сесомонӣ ва панҷсомониро филиззӣ мекунад

© Национальный банк РТ
Иқтисод
Гирифтани линки кӯтоҳ
789 0 0

Бонки миллии Тоҷикистон дар наздиктарин рӯзҳо пулҳои 1-сомонӣ, 3-сомонӣ ва 5-сомониро бо сиккаҳои филиззӣ ҷойгузин хоҳад кард

ДУШАНБЕ, 24 июл — Sputnik. Муъовини аввали раиси Бонки миллии Тоҷикистон Ҷамолиддин Нуралиев имрӯз дар нишасти расонаӣ эълом кард, ки дар наздиктарин рӯзҳо пулҳои яксомонӣ, сесомонӣ ва панҷсомонӣ бо сиккаҳои филиззӣ ҷойгузин хоҳанд шуд.

Ба гузориши равобити умумии БМТ, далели ин ҷойгузинӣ фарсуда шудани пулҳои коғазӣ дар муъомилот аст.

Ҷамолиддин Нуралиев ҳамчунин гузориш дод, ки БМТ дар паи ин ҷойгузинӣ 343 милюн сомонӣ пулро аз муъомилот хориҷ карда, ки аз он ҷумла 41,9 милюнро пулҳои яксомонӣ, 10,7 милюнро пулсҳои сесомонӣ ва 13,7 милюнро пулҳои панҷсомонӣ ташкил додаанд. Ин пулҳо сахт фарсуда шуда ва дигар коромад нестанд ва дар наздиктарин рӯзҳо ҷояшонро сиккаҳои филиззӣ хоҳанд гирифт.

Муъовини аввали раиси БМТ ҳамчунин гузорише аз амалкарди бонк ва вазъи иқтисодии кишвар ироя кард. Бино ба додаҳои БМТ, тавлидоти нохолиси дохилӣ дар шашмоҳаи нахусти имсол 24 023,8 милюн сомонӣ  ва афзоиши воқеъии он 6,0 дарсадро ташкил додааст. Иқтисоди кишвар асосан аз ҳисоби бахшҳои санъатӣ — 21,3 дарсад, кишоварзӣ — 6,4 дарсард ва гардиши хурдафурӯшӣ — 3,6 дарсад рушд кардааст.

Мизони таваррум дар ин давра 5,9 дарсадро ташкил дода, дар қиёс бо шашмоҳаи нахусти порсол 2,8 дарсад бештар будааст.

Гардиши тиҷорати хориҷӣ дар ин давра 1,6 милёрд дулорро ташкил дода, ки нисбат ба порсол 2,4 дарсад ё 37,5 милюн дулор бештар аст.

Ҷамолиддин Нуралиев ҳамчунин гузориш дод, ки нархи расмии сомонӣ нисбат ба дулори ИМА дар ин шашмоҳа 11,9 дарсад коҳиш ёфтааст. Вай афзуд, ки нархи фурӯши бозории дулори нақд дар ин давра 11,7 дарсад афзоиш ёфта ва фарқ миёни нархи расмӣ ва нархи фурӯши бозории дулори нақд ҳамакнун 0,6 дарсадро ташкил медиҳад.

Бино ба гузориши вай, ҳамакнун дар кишвар дар кулл 96 бунгоҳи қарзӣ, аз ҷумла 16 бонк, 34 созмони хурди пасандозиву вомдиҳанда, 13 созмони хурди қарзӣ ва 33 бунёди хурди қарзӣ фаъолият доранд.

Дороиҳои умумии бунгоҳҳои қарзӣ дар ин давра 20 милёрд сомониро ташкил дода, ки нисбат ба ҳамин давра дар соли гузашта 1,3 дарсард бештар аст.

Мавзуъ

Мубориза бо пули нопок: БМТ "Бехатарии иқтисодӣ"-ро барномаи таълимӣ мекунад
БМТ ва UnionPay дар Тоҷикистон кортҳои бонкӣ ва худпардозҳоро роҳ меандозанд
БМТ барои “Тоҷиксодиротбонк” маъмурияти муваққатӣ таъин намуд
БМТ: таваррум дар моҳи гузашта 0,2%-ро ташкил дод
Барчаспҳо:
дулор, гузориши иқтисодӣ, таваррум, сомонӣ, Бонки миллии Тоҷикистон, Ҷамолиддин Нуралиев, Тоҷикистон

Мавзӯъҳои асосӣ