Тоҷикистон 34 дарсади колоҳои содиротиашро ба Қазоқистон содир мекунад

© Фото : Посольство России в ТаджикистанеГосударственное унитарное предприятие Таджикская Алюминиевая Компания ТАЛКО
Государственное унитарное предприятие Таджикская Алюминиевая Компания ТАЛКО - Sputnik Тоҷикистон
Обуна шудан
Тоҷикистон дар шаш моҳи соли ҷорӣ ҳудуди 34 дарсади колоҳои содиротиашро ба Қазоқистон содир кард

ДУШАНБЕ, 11 авг — Sputnik. Бино бар иттилои Ожонси омори Тоҷикистон дар шаш моҳи соли равон шарикони тиҷории Тоҷикистон Қазоқистон, Туркия, Афғонистон ва Тайван буданд.

Саҳми Қазоқистон дар ҳаҷми кулли содироти Тоҷикистон 33,6 дарсад ва саҳми Туркия 21 дарсад мебошад. Тоҷикистон ба ин кишварҳо умдатан алюминиуми аввалия ва нахи панба содир мекунад.

Роҳи оҳан. Акс аз бойгонӣ - Sputnik Тоҷикистон
Узбакистон нархи таробарии колоҳои Тоҷикистонро 40 дарсад арзон кард

Тоҷикистон дар шаш моҳ аз содироти колоҳо ба Қазоқистон беш аз 154 милюн дулор дарёфт кардааст.
Дар зимн, кишвар дар ин муддат ба арзиши беш аз 236,6 милюн дулор колоҳои Қазоқистонро ворид кард. Тоҷикистон бо Туркия дар ним сол бо арзиши беш аз 145,3 милюн дулор гардиши молиро ба амал овард, ки аз ҷумла 96,5 милюн дулори ин маблағ саҳми содирот ва 48,7 милюн дулор саҳми воридоти колоҳои гуногун мебошад.

Дар гардиши молӣ дпр миёни Тоҷикистон ва Афғонистон содироти колоҳои ҶТ ба ин кишвар аз воридот 59,9 милюн дулор бештар аст.
 Бино бар иттилои манбаъ, шарики аслии тиҷории Тоҷикистон Русия мебошад. Ин ду кишвар дар моҳҳои январ-июн ба арзиши беш аз 440,4 милюн дулор гардиши молиро анҷом доданд.

Тоҷикистон ба Русия умдатан алюминиуми аввалия, нахи панба, сангҳои гаронбаҳо ва меваҳои хушк содир мекунад. 34,8 дарсади кулли колоҳои воридотии Тоҷикистон саҳми Русия, 19 дарсад саҳми Қазоқистон ва 18,3 дарсад саҳми Чин мебошад.

Дар шаш моҳи соли ҷорӣ Тоҷикистон бо арзиши кулли 458,5 милюн дулор коло содир кард ва ба арзиши 1,2 миллиард дулор коло ворид кард.

Лентаи хабарҳо
0