Соҳибкорони тоҷик ба Туркия мераванд

© Фото : Аз ВУХДидори ҳайъати сафорати Тоҷикистон дар Турки бо раиси шаҳр
Дидори ҳайъати сафорати Тоҷикистон дар Турки бо раиси шаҳр - Sputnik Тоҷикистон
Обуна шудан
Соҳибкорони тоҷик барои ошноӣ бо фаъолияти корхонаҳои Туркия ба ин кишвар сафар хоҳанд кард

ДУШАНБЕ, 21 янв — Sputnik. Дар ин бора равобити умумии Вазорати умури хоиҷии Тоҷикистон хабар медиҳад.

Ба гузориши манбаъ, рӯзи 18 январ ҳайъати кормандони сафорати  Тоҷикистон дар Туркия ба мақсади ошноӣ ва омӯзиши таҷрибаи фаъолияти шаҳракҳои саноатӣ дар кишвар аз шаҳраки саноатии "Иведик"-и шаҳри Анқара боздид намудааст.

встреча Премьер-министра Республики Таджикистан Кохира Расулзода с Премьер-министром Турецкой Республики Бинали Йилдиримом. - Sputnik Тоҷикистон
Тоҷикистон ва Туркия мехоҳанд гардиши колоро то $1 млрд афзоиш диҳанд

Зимни боздид мулоқоти сафири Тоҷикистон дар Туркия Раҷабиён бо раиси ин Шаҳраки саноатӣ Ҳасан Гӯлтекин баргузор гардидааст.

Дар ин мулоқот  дар баробари дарёфти маълумоти фарогир оид ба таҷрибаи Шаҳрак, ҳамзамон дар робита ба имконияти ба роҳ мондани ҳамкориҳои судманд миёни Шаҳраки саноатӣ ва минтақаҳои озоди иқтисодии  Тоҷикистон, таъсиси корхонаҳои муштарак табодули афкор сурат гирифтааст.

"Ҳарду ҷониб дар ин замина сафари ҳайатҳои соҳибкорони ду кишварро ба мақсади шиносоӣ бо фаъолияти ҳамдигар, баррасии имконияти ҳамкориҳо, омузиши таҷрибаи пешқадам, таъсиси корхонаҳои муштарак, ворид намудани технологияи нав ва афзоиши гардиши мол муҳим арзёбӣ намуданд", — омадааст дар хабарнома.

Ҳайъати сафорат ҳамзамон бо фаъолияти корхонаҳои алоҳидаи соҳаҳои истеҳсоли маҳсулоти нассоҷӣ, коркарди алюминий шинос шуданд.

Шаҳраки саноатии "Иведик"калонтарин шаҳраки саноатии шаҳри Анқара мебошад, ки иқтидори солонаи иқтеҳсолии он ба 6 млрд доллари ИМА баробар аст.

Лентаи хабарҳо
0