13:49 16 июли 2019
Пахши мустақим
  • USD9.44
  • EUR10.64
  • RUB0.15
Бонки миллии Тоҷикистон, акс аз бойгонӣ

Бонки миллии Тоҷикистон фаъолияти ду ташкилоти қарзиро қатъ кард

© Sputnik
Иқтисод
Гирифтани линки кӯтоҳ
250 0 0

Дар ин бора қарори Раиси Бонки миллии Тоҷикистон Ҷамшед Нурмаҳмадзода ба тасвиб расидааст

ДУШАНБЕ, 17 июл — Sputnik. Фаъолияти ташкилотҳои қарзии "Вомдеҳ" ва "Рушди Восеъ" қатъ карда шуд, хабар медиҳад Бонки миллии Тоҷикистон.

Бино ба иттилои хадамоти матбуоти БМТ, раёсати бонк бо дархости ташкилоти қарзӣ иҷозатномаҳои ҶДММ ТАҚХ "Вомдеҳ" ва ҶДММ ТҚХ "Рушди Восеъ", ки аз ҷониби Бонки миллӣ барои анҷом додани амалиётҳои бонкӣ дода шуда буд, бозхонд кард.

Бонки миллии Тоҷикистон, акс аз бойгонӣ
© Фото : Пресс-служба президента Таджикистана

Манбаъ таъкид кардааст, ки иҷозатномаҳои ташкилотҳои қарзӣ барои анҷом додани амалиётҳои бонкӣ бозхонд шудааст.

"Мақомоти ваколатдори ҶДММ ТАҚХ "Вомдеҳ" ва ҶДММ ТҚХ "Рушди Восеъ" вазифадор карда шуданд, ки барои анҷом додани расмиёти барҳамдиҳии ихтиёрӣ ва ҳисоббаробаркунӣ бо қарздеҳони ташкилотҳои қарзӣ, бо риояи санадҳои меъёрии ҳуқуқии Тоҷикистон комиссияҳои барҳамдиҳиро таъсис дода, ба Бонки миллии Тоҷикистон ҳисоботи тавозунӣ ва дигар маълумоти заруриро пешниҳод намоянд", — таъкид кардааст манбаъ.

Бино ба маълумоти БМТ, дар ҳоли ҳозир дар Тоҷикистон 25 ташкилоти амонатии қарзии хурд амал мекунанд.

 

Барчаспҳо:
Бонки миллӣ, барҳамдиҳӣ, бозхонд, иҷозатнома, Тоҷикистон

Мавзӯъҳои асосӣ