ДУШАНБЕ, 9 окт — Sputnik. СБА дар гузориши “Дурнамои рушди иқтисоди ҷаҳонӣ”, нишондоди рушди ММД-и Тоҷикистонро тайи солҳои 2018-2019 баробар ба 5% пешгӯӣ кардааст.
Тибқи гузориши ҷадиди СБА, иқтисоди кишварҳои ҳамсуд беш аз интизороти қаблӣ пешрафт хоҳад дошт.
Афзоиши ММД дар кишварҳои пасошӯравӣ дар соли 2018 ба 2,3% ва дар соли 2019 ба 2,4% пешбинӣ шудааст.
Яке аз пешқадамҳо дар болоравии ММД миёни кишварҳои ИДМ метавонад Қазоқистон шавад, ки нишондоди рушдаш дар соли 2018 - 3,7% ва 3,1% дар соли 2019 пешбинӣ шудааст.
Дурнамои рушди Тоҷикистону Узбакистон барои солҳои 2018-2019 бе тағйир, муодили 5 фоиз мебошад.
Рушди ММД Қирғизистон дар соли 2018 - 2,8% ва дар соли 2019 - 4,5%-ро ташкил медиҳад.
Рушди иқтисоди ҷаҳонӣ дар солҳои 2018-2019, бархилофи пешгӯиҳои қаблии Бонки ҷаҳонӣ, ки 3,9 дарсад дар як солро интизор дошта буд, коҳиш ёфта, ба 3,7% баробар шудааст.
