ДУШАНБЕ, 12 окт — Sputnik. Додгоҳ Шароповро дар он гунаҳкор донистааст, бе иҷозатномаи Бонки миллӣ дар назди бинои “Агроинвестбонк” дар шаҳри Ҳисор ба фурӯши доллар машғул будааст.
5 октябри 2018, 19:50
Тибқи иттилои додситонӣ, аз ҷумла субҳи 29 майи соли равон Шаропов Дилшод дар назди филиали ҶСК “Агроинвестбонк”-и Ҳисор 10 ҳазору 100 долларро бо қурби 9,28 сомонӣ, ба маблағи умумии 93 ҳазору 728 сомонӣ фурӯхта, амалиёти ғайриқонунӣ бо асъори хориҷиро анҷом додааст.
Додситонӣ афзуд, ки дар пайи чорабиниҳои фаврӣ – тафтишотӣ, Шаропов дастгир шуда, маблағи зикршуда аз гирифта шуд.
Додгоҳи Ҳисор Шароповро дар муомилоти ғайриқонунӣ бо асъори хориҷӣ гунаҳкор дониста, ба андозаи 730 нишондиҳанда барои ҳисобҳо, муодили 36 ҳазору 500 сомонӣ ҷаримабандӣ кардааст.
