Фақат орд: Қазоқистон эҳтимол содироти гандумро ба Тоҷикистон қатъ мекунад

© Sputnik / © Sputnik / Стас ЭтвешХлеб на рынке, архивное фото
Хлеб на рынке, архивное фото - Sputnik Тоҷикистон
Обуна шудан
Бо тасмими давлати Қазоқистон барои содироти орд ба ҷойи гандум, Тоҷикистон, ки яке аз умдатарин воридкунандагони ин маҳсул аст, мумкин аст аз гандуми Қазоқистон маҳрум шавад

ДУШАНБЕ, 20 окт – Sputnik. Бино бар иттилои "Парс тудэй", мақомоти давлати Қазоқистон эълом кардаанд, ки ба далели вуҷуди зарфияти кофӣ барои коркарди гандум дар ин кишвар, дар оянда содироти ин маҳсул ба хориҷ мамнуъ ва танҳо дар шакли орд имконпазир хоҳад буд.

Дар Қазоқистон теъдоди зиёде аз корхонаҳои орд вуҷуд дорад, ки аз зарфияти орд кардани 20 миллион тон гандум дар сол бархурдоранд.

Мука. Архивное фото. - Sputnik Тоҷикистон
Нархи орд дар Тоҷикистон боло рафт

Ин дар ҳоле аст, ки Тоҷикистон дар солҳои ахир воридоти ордро аз Қазоқистон коҳиш ва воридоти гандум аз ин кишварро афзоиш додааст то заминаи иштиғоли шаҳрвандони хешро дар корхонаҳои орд фароҳам созад.

Аз сӯйи дигар, қимати ҳар як тон гандуми воридотӣ аз Қазоқистон ба маротиб камтар аз қимати орди воридотӣ аз ин кишвар аст.

Дар се моҳи нахусти имсол воридоти орд ба Тоҷикистон дар муқоиса бо давраи мушобеҳи соли қабл ҳашт ҳазор тон коҳиш ва воридоти гандум 36 ҳазор тон афзоиш ёфта буд.

Уборка зерновых, архивное фото - Sputnik Тоҷикистон
Тоҷикистон имсол камтар аз порсол орду гандум ворид кард

Дар ин муддат аз Қазоқистон 22 ҳазор тон гандум ба маблағи беш аз 39 миллион доллар ба Тоҷикистон ворид шудааст.

Дар солҳои гузашта Тоҷикистон аз Қазоқистон бештар орд ворид мекард, аммо акнун ба далели арзон будани қимати гандум ва фароҳам будани имкони орд кардани он дар корхонаҳои дохилии Тоҷикистон талош мешавад, ки бештар гандум ворид шавад.

Дар маҷмуъ дар соли 2017 Тоҷикистон аз хориҷ ба мизони як миллиону 14 ҳазор тон гандум ба қимати ҳар тон 195 доллар ворид кард, аммо қимати ҳар тон орди воридотӣ ба Тоҷикистон дар соли 2017 ба 248 доллар расидааст.

Дар ҳоли ҳозир қимати як кисаи 50 килоии орди Қазоқистон дар бозорҳои Тоҷикистон 155 сомонӣ аст.

Лентаи хабарҳо
0