Дар Тоҷикистон музди миёнаи меҳнат 14 дарсад боло рафт

© Sputnik / © Sputnik / Стас ЭтвешМонеты, архивное фото
Монеты, архивное фото - Sputnik Тоҷикистон
Обуна шудан
Ҳаҷми музди миёнаи меҳнати Тоҷикистон ба як ҳазору 265 сомнӣ, ки муодили 134 доллар аст, баробар шуд

ДУШАНБЕ, 19 ноя — Sputnik. Музди миёнаи меҳнати Тоҷикистон баъд аз болорави дар моҳи сентябри соли равон 14 дарсад зиёд шудааст, иттилоъ додааст хабаргузории ТоҷикТА.

Сомони в конверте, архивное фото - Sputnik Тоҷикистон
Кӣ дар Тоҷикистон бештар аз ҳама музд мегирад?

“Музди миёнаи меҳнат дар кишвар ба як ҳазору 265 сомонӣ расидааст. Сатҳи музди меҳнати воқеӣ (бо дарназардошти таваррум) дар моҳи сентябр нисбат ба моҳи август 12,5 дарсад боло рафтааст”,- иттилоъ додааст Ожонсии омори Тоҷикистон

Баландтарин маошро дар ин давра кормандони соҳаи молия мегиранд. Маоши онҳо 3 ҳазору 270 сомонӣ (347 доллар)-ро ташкил медиҳад.

Кормандони истихроҷи маъданҳои куҳӣ 2 ҳазору 534 сомонӣ ва сохтмончиён  2 ҳазору 382 сомонӣ моҳона мегиранд.

Музди меҳнати кормандони соҳаи энергетика ва обтаъминкунӣ ба 1 ҳазору 634 сомонӣ баробар шудааст.

Дар Тоҷикистон камтарин моҳонаро кормандони соҳаи кишоварзӣ мегиранд. Моҳонаи онҳо ҳамагӣ 504 сомониро ташкил медиҳад.

Лентаи хабарҳо
0