14:18 16 декабри 2018
Пахши мустақим
  • USD9.42
  • EUR10.64
  • RUB0.14
Кони ангишти Зиддӣ, акс аз бойгонӣ

Фурӯши ангишти Тоҷикистон дар дохилу хориҷ: кӣ истихроҷ карду кӣ харид?

© Sputnik / Амир Исаев
Иқтисод
Гирифтани линки кӯтоҳ
365 0 0

Вазорати саноат ва технологияҳои нави Тоҷикистон аз истихроҷи 1 миллиону 551 ҳазор тонна ангишт дар 10 моҳи соли равон хабар дод, ки нисбати ҳамин давраи соли гузашта 85 ҳазор тонна зиёд мебошад

ДУШАНБЕ, 25 ноя — Sputnik. Тибқи иттилои дафтари матбуоти Вазорати саноат ва технология, аз ҳаҷми умумии истихроҷи ангишт 53,1 % ба корхонаи “Шахтаи Фон-Яғноб”, 19,3 % ба Департаменти истихроҷи ангишти ҶДММ “Корхонаи металлургии Тоҷик”, 14,4 % ба ҶДММ “Талко- Ресурс”, 5,3 % ба КФ “Зиддӣ”, 3,2 % ба ҶСК “Ангишт” ва  4,7 % ба дигар корхонаҳо рост меояд.

“Мувофиқи ҳисобот фурӯши  ангишт  тайи 10 моҳ бо назардошти бақияи соли сипаригардида 1 миллиону 581 ҳазор тонна, аз ҷумла ба Маркази барқу гармидиҳӣ - 746,7 ҳазор тонна (ё 47,2 %), корхонаҳои саноатӣ – 642 ҳазор тонна (40,7 %), аҳолӣ- 98,5 ҳазор  тонна (6,2 %),  муассисаҳои буҷетӣ - 54,6 ҳазор тонна (3,4 %) ва содирот 39,4 ҳазор тоннаро (2,5 %) ташкил дод”, - омадааст дар иттилоияи Вазорат.

Манбаъ таъкид кардааст, ки хариди ангишт тайи моҳҳои гузаштаи соли равон нисбати соли пешӣ 211,7 ҳазор тонна афзоиш ёфтааст.

Вазорати саноат дар мавриди содирот афзуд, ки 39 ҳазору 406 тонна ба маблағи 884,3  ҳазор доллари амрикоӣ ба хориҷи кишвар фурӯхта шудааст, ки нисбати соли пешӣ 35 ҳазору 878 тонна зиёд мебошад.

Манбаъ афзуд, ки аз ҷониби “Комбинати металлургии Тоҷик”  33 ҳазору 88 тонна ба  Покистон ва аз ҷониби “Талко-Ресурс”  2 ҳазору 33,8 тонна барои ширкати  “BLUE BELL GLOBAL VENTURE”-и Узбакистон содир шудааст.

Ба иттилои Вазорат, содироти ангишт ба ҳисоби пулӣ нисбати воридот 302,5 ҳазор доллари амрикоӣ, ё 2,8 миллион сомонӣ зиёд мебошад.

Мавзӯъҳои асосӣ